ارحيۆتەن Kazakhstan دەگەن جازۋ مەن كوك تۋىمىز بەينەلەنگەن ەكى ەتاجدى Boeing 747 ۇشاعىنىڭ فوتوسىن تاۋىپ الدىم. 1994 جىل دەپ جازىلىپتى. ماسساعان، بىزدە مىناداي الىپ لاينەر بولعان ەكەن عوي دەپ مەن وتىرمىن.
تۇسىندىرە كەتەيىن، مىنا بورتپەن ەش جەرگە ايالداماي-اق اقش-تان ءبىر-اق شىعۋعا بولادى. دەمەك الماتى نە استانامىزدان مۇحيتتىڭ ارعى بەتىنە سپوكوينو جەتە الاسىز. بىراق جارىقتىعىڭ كەروسيندى ىشەدى كەپ. ءبىر بارىپ كەلگەنى قىپ قىزىل شىعىن.

سودان بولار بۇل ۇشاق قازاقستانداعى “انگاردا” ۇزاق تۇرماي، باسقا ەلگە ساتىلىپ كەتە باردى. ال ەندى بۇل ۇشاق كىمدىكى بولعان دەپ ويلايسىز؟
ءدال تاپتىڭىز-اۋ، بۇل نۇرسۇلتان نازارباەۆتىڭ بورتى بولعان ەكەن. ەلباسى اقش-قا رەسمي ساپارمەن بارار الدىندا وسى ۇشاقتى ساتىپ الىپ، ءبىزدىڭ ەلدىڭ امبيتسياسىنىڭ سۇمدىق ەكەنىن كورسەتكىسى كەلگەن. ول ۋاقىتتا تمد ەلدەرىنىڭ بىردە ءبىر پرەزيدەنتىندە مۇنداي ۇشاق بولماعان. ءبىر جاعى ءوزىنىڭ بالا كەزدەگى ارمانىن ورىندادى. بىراق 94 جىلى ارمان ورىندايتىن زامان ەمەس ەدى، ەلدە ءبارى تاپشى، ءبارى قات بولاتىن.

سودان كلينتون اعايمەن كەزدەسىپ كەلگەن سوڭ، مىنى ۇشاققا “گاراج” تابىلماي، ونىڭ ۇستىنە مۇنداي لاينەردى تەك الماتى مەن اقتوبەدەگى اۋەجايلاردىڭ عانا ۇشۋ-قونۋ جولاعى قابىلداي الاتىن بولعاندىقتان، ساتىپ جىبەرۋگە شەشىم قابىلداپتى.

ال ەندى بۇگىنگى كۇنگە كەلسەك، مۇنداي لاينەردى قازاقستانداعى بىرنەشە اۋەجاي ويلانباستان قابىلداي الادى. شتۋرۆالىنا يە بولا الاتىن پيلوتتار دا جەتەرلىك. اقش-قا كۇندە جۇزدەگەن ازاماتىمىز ۇشىپ-بارىپ كەلىپ جاتىر. ەندەشە نەگە وسىندايدىڭ نەمەسە الگى ەكى ەتاجدى Airbus A380 لاينەرىن ساتىپ الىپ، رەيس اشىپ قويماسقا؟ بيلەتى ارزان بولسا اقش-قا ءبارىمىز بارعىمىز كەلەدى. الدە قاجەت ەمەس پە؟

اسقار بەكوۆ

Abai.kz