ۋكراينا پرەزيدەنتى ۆلاديمير زەلەنسكي جەڭىس كۇنىنە وراي ۆيدەوۇندەۋ جولدادى، - دەپ حابارلايدى "ۋكراينسكايا پراۆدا" باسىلىمى.

"بۇل ەكى ارميانىڭ سوعىسى ەمەس. بۇل ەكى دۇنيەتانىمنىڭ سوعىسى. سكوۆورودا مۇراجايىن اتقىلاپ، ءبىزدىڭ فيلوسوفيامىزدى زىمىراندارىمەن جويۋعا بولاتىنىنا سەنەتىن ۆارۆارلاردىڭ سوعىسى.

ءبىز بالالارىمىز ءۇشىن بوستاندىق ءۇشىن كۇرەسەمىز، ياعني جەڭەمىز. ەكىنشى دۇنيەجۇزىلىك سوعىستا ءبىز ءۇشىن ءومىرىن قيعان سەگىز ميلليوننان اسا اتا-بابامىزدىڭ نە ىستەگەنىن ەشقاشان ۇمىتپايمىز.

جاقىندا ۋكراينادا ەكى جەڭىس كۇنى بولادى. ال الدەكىمدە بىردە-ءبىر ادام قالمايدى. سول كەزدە جەڭدىك. قازىر دە جەڭەمىز. ۋكراينا حالقى جەڭىس شەرۋىن - ۋكراينانىڭ جەڭىسىن كورەدى!" - دەدى زەلەنسكي.

ول گيتلەرگە قارسى كواليتسيا قۇرامىندا ناتسيزممەن سوعىسقان ۋكراينادان جەڭىستى ەشكىم الا المايتىنىن اتاپ ءوتتى.

زەلەنسكي كەڭەس ارمياسىنىڭ جەتىستىكتەرىن ەسكە ءتۇسىردى، ونىڭ قاتارىندا سوعىسقان اتاسى ەكى قىزىل جۇلدىز وردەنىمەن ماراپاتتالعانىن ايتتى.

"ناتسيستەر يالتا، سيمفەروپول، كەرچ جانە قىرىمنان قۋىلدى. ماريۋپول فاشيستەردەن بوساتىلدى. ناتسيستەر بۇكىل ۋكراينادان قۋىلدى، بىراق مەن اتاعان قالالار ءبىزدى ەرەكشە شابىتتاندىرادى. ولار بىزگە باسقىنشىلار ءبىزدىڭ جەرىمىزدى تارتىپ الا المايتىنىنا كوز جەتكىزدى", - دەدى ۋكراينا پرەزيدەنتى.

9 مامىردا سوعىس جاعدايىنا بايلانىستى كيەۆتە شەرۋلەر مەن مەرەكەلىك شارالار ۇيىمداستىرىلمادى.

Abai.kz