ولار ءالى كۇنگە دەيىن ميسسياعا قاتىسقانى ءۇشىن وتەماقى الماعانىن ايتادى.
ء"بىز اسكەري تاپسىرمانى ورىنداعانىمىز ءۇشىن ءالى وتەماقى المادىق. قارجى مينيسترلىگى ماسەلە ءالى شەشىلگەن جوق دەپ جاۋاپ بەرەدى. ءبىز سىزدەن وسى ماسەلەنى شەشىپ بەرۋىڭىزدى سۇرايمىز", - دەلىنگەن ۇندەۋدە.
قورعانىس مينيسترلىگى بۇعان قاتىستى ازىرگە جاۋاپ بەرمەدى.
قازاقستاندا قاڭتار ايىنىڭ باسىندا حالىق كوتەرىلىپ، كوشەگە شىققان كەزدە ەل پرەزيدەنتى قاسىم-جومارت توقاەۆ ۇقشۇ-دان كومەك سۇراعان. 7 قاڭتاردا قىرعىزستان پارلامەنتى قازاقستانعا اسكەر جىبەرۋ جونىندە شەشىم شىعارعان.
ۇلتتىق قاۋىپسىزدىك كوميتەتىنىڭ توراعاسى كامچىبەك تاشيەۆ 150 اسكەري قىزمەتكەر، 8 برونەتەحنيكا جانە 11 كولىك جىبەرگەنىن مالىمدەگەن. ولار 14 قاڭتاردا ەلىنە ورالعان. قىرعىز اسكەرى الماتىداعى ەكىنشى جىلۋ ەلەكتر ستانتسياسىن كۇزەتكەن.
ءساۋىر ايىندا قازاقستانداعى بىتىمگەرلىك ميسسياسىنا قاتىسقان ساربازدار ماراتتالدى دەگەن رەسمي اقپارات تاراعان.
Abai.kz
