قازاقستان مەن تۇركيا ەلى بىرقاتار اسكەري كەلىسىمدەر جاسادى. كەلىسىمدەر پرەزيدەنت توقاەۆتىڭ تۇركياعا رەسمي العاشقى مەملەكەتتىك ساپارى بارىسىندا ىسكە استى. 10-11 مامىردا تۇركيا پرەزيدەنتىنىڭ شاقىرتۋى بويىنشا قاسىم-جومارت توقاەۆ مەملەكەتتىك ساپارمەن تۇركيادا ءجۇر. ساپاردىڭ العاشقى كۇنىندە ەكى ەل باسشىسى رەسمي جانە بەيرەسمي كەزدەسۋلەر ۇيىمداستىردى. ال بۇگىن قازاقستان جانە تۇركيا اراسىندا كاسىپكەرلىكتى دامىتۋعا قاتىستى كەزدەسۋلەر ۇيىمداستىرىپ، كەلىسسوزدەر جاساۋدا. 

قازاقستان مەن تۇركيا اسكەري سالاعا قاتىسى بار بىرنەشە كەلىسىم جاساستى. ونىڭ ىشىندە قازاقستان رەسپۋبليكاسى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن تۇركيا رەسپۋبليكاسى يندۋستريا جانە تەحنولوگيا مينيسترلىگى اراسىنداعى اقپاراتتىق تەحنولوگيالار سالالارى بويىنشا ىنتىماقتاستىق تۋرالى مەموراندۋم، قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى اسكەري بارلاۋ سالاسى بويىنشا ىنتىماقتاستىق تۋرالى حاتتاما، قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى اسكەري ارحيۆتەر، اسكەري تاريح، مۋزەيتانۋ جانە اسكەري جاريالانىمدار سالالارى بويىنشا ىنتىماقتاستىق تۋرالى حاتتاما جاسالدى.

بۇگىن قازاقستان مەن تۇركيا سوققى جاساۋشى درونداردى ساتىپ الۋ جانە شىعارۋعا قاتىستى كەلىسسوزدەر جۇرگىزىپ، ناتيجەسىندە قازاقستان اۋماعىندا سوققى جاساۋشى ANKA دروندارىن جاساۋ ىسكە اساتىن بولدى. اتالمىش درون اتىشۋلى 1بايراقتاردان1 قۋاتتى ءارى جاڭا سانالادى.

تۇركيالىق دروندار سوڭعى جىلدارى ۇرىس الاڭىندا ءوزىنىڭ تيىمدىلىگىن كورسەتۋدە. سيريا، ليۆيا، قاراباق جانە ۋكراينا سوعىسى بۇل عاسىر دروندار ءداۋىرى ەكەنىن كورسەتتى. قازاقستان دا الەمدىك اسكەري ترەندتەن قالماۋدىڭ امالىن قاراستىرۋدا.

اسحات قاسەنعالي

Abai.kz