"پۋليتتسەر كوميسسياسى ۋكراين جۋرناليستەرىن ۆلاديمير پۋتين رەجيمىنىڭ ۋكرايناعا شابۋىلى كەزىندەگى ەرلىگى، تاباندىلىعى جانە شىنايى اقپارات تاراتۋدا بەرىكتىگى ءۇشىن "ەرەكشە ەسكە سالۋ" سىيلىعىمەن ماراپاتتايدى. اتىس، ۇرلاپ اكەتۋ، ارىپتەستەرىن ولتىرگەنىنە قاراماستان الەمگە بولىپ جاتقان سۇمدىق وقيعالاردى كورسەتىپ جاتىر", - دەلىنگەن مالىمدەمەدە.

پۋليتتسەر سىيلىعى - امەريكا جۋرناليستيكا سالاسىنداعى ەڭ بەدەلدى ماراپات. ول 9 مامىردا اقش-تا اتاپ وتىلەدى.

پۋليتتسەر سىيلىعىنىڭ "قوعامعا قىزمەت ەتكەنى ءۇشىن" دەگەن باستى ماراپاتىن The Washington Post گازەتى الدى. بۇل دونالد ترامپ بيلىكتە بولعان تۇستا، 2021 جىلدىڭ 6 قاڭتارىندا اكتسياعا قاتىسۋشىلاردىڭ كاپيتولياعا باسىپ كىرگەن وقيعانى باستان-اياق بايانداعانى ءۇشىن بەرىلگەن.

The New York Times رەداكتسياسى دا پۋليتتسەر سىيلىعىنىڭ حالىقارالىق جانە ۇلتتىق رەپورتاجدارى ءۇشىن ماراپاتىن الدى.

The Miami Herald, The Tampa Bay Times, Getty Images, The Los Angeles Times جانە باسقا دا باسىلىمدار سىيلىققا يە بولدى.

دجوزەف پۋليتتسەر 1847 جىلى ساۋىردە ۆەنگريادا دۇنيەگە كەلگەن. ون جەتى جاسىندا امەريكا قۇراما شتاتتارىنا قونىس اۋدارعاننان كەيىن، 1878 جىلى امەريكاندىق ەكى تانىمال گازەتتى - سەنت-لۋيس ديسپەتچەر مەن سەنت-لۋيس پوستتى ساتىپ الىپ، جاڭا مەرزىمدى باسىلىم - سەنت-لۋيس پوست-ديسپەتچەر قۇردى. دجوزەف پۋليتتسەر گازەت شىعارۋدان تۇسكەن پايدانى پايدالانىپ، جۋرناليستيكا فاكۋلتەتى مەن ينستيتۋتتى قۇردى.

ءداستۇر بويىنشا، پۋليتتسەر سىيلىعىن مامىردىڭ ءبىرىنشى دۇيسەنبىسىندە اقش كولۋمبيا ۋنيۆەرسيتەتىنىڭ مۇشەلەرى ادەبيەت پەن جۋرناليستيكا سالاسىنداعى ەرەكشە قىزمەتى ءۇشىن تاپسىرادى.

Abai.kz