تەمىرتاۋ قالاسىندا ەلباسى نۇرسۇلتان نازارباەۆتىڭ ءومىرىن باياندايتىن "كوشباسشى جولى" اتتى تريلوگيانى ءتۇسىرۋ جالعاسىپ جاتىر.

"تريلوگيا تەك قازاقستاندا عانا ەمەس، رەسەيدە، ۋكراينا مەن ەستونيادا دا ءتۇسىرىلۋ ۇستىندە. وندا نۇرسۇلتان نازارباەۆ 1962 جىلى حەلسينكيدەگى دۇنيەجۇزىلىك جاستار فەستيۆالىنە بارا جاتقان كەمە بورتىندا يۋري گاگاريندى جولىقتىرادى". بۇل تۋرالى قاراعاندى وبلىسى اكىمدىگىنىڭ اقپاراتتىق پورتالىندا جاريالانعان حابارلامادا.

ستسەناري بويىنشا فيلمدەگى وقيعالار 1959-1965 جىلدار ارالىعىندا وتەدى. قازىر "ارسەلور-ميتتال تەمىرتاۋ" اق اۋماعىندا ءفيلمنىڭ اۋقىمدى كورىنىستەرى ءتۇسىرىلىپ جاتىر. مىسالى، ەڭ ءبىرىنشى شويىننىڭ قۇيىلۋ ءساتى، سالتاناتتى جيىن مەن وندىرىستەگى اپات سىندى كورىنىستەر سول جەردە ساحنالانۋدا.

"ونەردىڭ قۇدىرەتىمەن 60-جىلدارعا قاراي شەگىنىس جاسادىق. دومنا پەشىنىڭ الدىندا كەڭەستىك ۇراندار مەن ترانسپارانتتار جەلبىرەپ، تريبۋنادا لەنيننىڭ پورترەتى پايدا بولدى. ارىرەكتە "پوبەدا" كولىگىنىڭ ءبۇيىرى بۇلتيىپ تۇر. سالتاناتتى ميتينگ كورىنىسىنە 700 ادام قاتىستى" دەلىنگەن حابارلامادا.

كورەرمەندەر كينو كارتينادان ۆيكتور سۋحورۋكوۆ، سەرگەي شاكۋروۆ، يۋري سولومين سىندى رەسەيلىك جۇلدىزداردى كورە الادى. اۆتورلار ءفيلمدى 3D فورماتىنا كوشىرۋدى كوزدەپ وتىر. كارتينا كورەرمەن نازارىنا 2013 جىلى ۇسىنىلۋى ءتيىس.

دەرەككوز: ايقىن

تەمىرتاۋ قالاسىندا ەلباسى نۇرسۇلتان نازارباەۆتىڭ ءومىرىن باياندايتىن "كوشباسشى جولى" اتتى تريلوگيانى ءتۇسىرۋ جالعاسىپ جاتىر.

"تريلوگيا تەك قازاقستاندا عانا ەمەس، رەسەيدە، ۋكراينا مەن ەستونيادا دا ءتۇسىرىلۋ ۇستىندە. وندا نۇرسۇلتان نازارباەۆ 1962 جىلى حەلسينكيدەگى دۇنيەجۇزىلىك جاستار فەستيۆالىنە بارا جاتقان كەمە بورتىندا يۋري گاگاريندى جولىقتىرادى". بۇل تۋرالى قاراعاندى وبلىسى اكىمدىگىنىڭ اقپاراتتىق پورتالىندا جاريالانعان حابارلامادا.

ستسەناري بويىنشا فيلمدەگى وقيعالار 1959-1965 جىلدار ارالىعىندا وتەدى. قازىر "ارسەلور-ميتتال تەمىرتاۋ" اق اۋماعىندا ءفيلمنىڭ اۋقىمدى كورىنىستەرى ءتۇسىرىلىپ جاتىر. مىسالى، ەڭ ءبىرىنشى شويىننىڭ قۇيىلۋ ءساتى، سالتاناتتى جيىن مەن وندىرىستەگى اپات سىندى كورىنىستەر سول جەردە ساحنالانۋدا.

"ونەردىڭ قۇدىرەتىمەن 60-جىلدارعا قاراي شەگىنىس جاسادىق. دومنا پەشىنىڭ الدىندا كەڭەستىك ۇراندار مەن ترانسپارانتتار جەلبىرەپ، تريبۋنادا لەنيننىڭ پورترەتى پايدا بولدى. ارىرەكتە "پوبەدا" كولىگىنىڭ ءبۇيىرى بۇلتيىپ تۇر. سالتاناتتى ميتينگ كورىنىسىنە 700 ادام قاتىستى" دەلىنگەن حابارلامادا.

كورەرمەندەر كينو كارتينادان ۆيكتور سۋحورۋكوۆ، سەرگەي شاكۋروۆ، يۋري سولومين سىندى رەسەيلىك جۇلدىزداردى كورە الادى. اۆتورلار ءفيلمدى 3D فورماتىنا كوشىرۋدى كوزدەپ وتىر. كارتينا كورەرمەن نازارىنا 2013 جىلى ۇسىنىلۋى ءتيىس.

دەرەككوز: ايقىن