بىلتىر ناۋرىزدا وزبەكستانعا ساپارلاپ بارعان قىرعىزستان پرەزيدەنتى سادىر جاپاروۆ كورشى ەلمەن شەكارا ماسەلەسىن ءۇش ايدا شەشۋگە كەلىسكەنىن مالىمدەگەن.

بىراق بۇل ماسەلەنى شەشۋ تاعى بىرنەشە جىلعا سوزىلاتىنى بەلگىلى بولىپ قالدى. ويتكەنى كورشى ەلدەر اراسىندا داۋلى جەرلەر بار.

قىرعىزستان ۇكىمەتىنىڭ شەكارا ماسەلەلەرى جونىندەگى ارنايى وكىلى نازىربەك بورۋباەۆتىڭ حابارلاۋىنشا، 5-7 مامىرداعى كەلىسسوزدەردە وزبەكستان مەن قىرعىزستان اراسىنداعى شەكارانى دەماركاتسيالاۋدى باستاۋ جونىندە كەلىسىم جاسالعان.

"نوبايى ايقىندالعان شەكارانى دەماركاتسيالاۋ جونىندەگى العاشقى كەلىسسوز. ءبىز وزبەك جاعىمەن ورتاق كەلىسىم جاسادىق. جازدا شەكارا سىزىعىن بەلگىلەي باستايمىز. اۋماعى انىقتالعان وبلىستار شەگى بەلگىلەنەدى. باسقا دا وبلىستار بويىنشا كەلىسسوزدەر وتەدى", - دەدى بورۋباەۆ.

ونىڭ ايتۋىنشا، كەلەسى كەزدەسۋ وزبەكستاندا ۇيىمداستىرىلادى.

قىرعىزستان مەن وزبەكستاننىڭ ورتاق شەكاراسى 1378 شاقىرىمعا سوزىلىپ جاتىر، 2017 جىلعا دەيىن سونىڭ 1170 شاقىرىمىنىڭ نەمەسە 85 پايىزىنىڭ مارتەبەسى انىقتالعان. شەكارانىڭ 13 پايىزى ناقتىلانباعان.

Abai.kz