قازاقستاننىڭ بۇرىنعى قورعانىس ءمينيسترى مۇرات بەكتانوۆقا  ۇرىس جاعدايىندا بيلىكتى اسىرا پايدالانۋ بويىنشا، مۇلكى تاركىلەنىپ، بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ، جەتى جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى قولدانىلۋى مۇمكىن.

بۇعان دەيىن ۆەدومستۆو ەكس-ءمينيستردىڭ قاڭتار وقيعاسى كەزىندەگى «ارەكەتسىزدىك فاكتىسى» بويىنشا سوتقا دەيىنگى تەرگەۋ باستالعانىن حابارلاعان.

ايتا كەتەيىك، ەكس-مينيستر بەكتانوۆتىڭ تۇتقىندالعانى تۋرالى اقپارات 19 اقپاندا بەلگىلى بولعان. قر باس پروكۋراتۋراسى ەكس-مينيستر بەكتانوۆتىڭ ۇستىنەن قىلمىستىق كودەكستىڭ 452 بابى (بەيلىكتىڭ ارەكەتسىزدىگى) بويىنشا سوتقا دەيىنگى تەرگەۋ جۇمىستارىن باستاعانى ايتىلعان. كەيىن، بۇل اقپاراتتى باس پروكۋراتۋرا راستاعان.

2021 جىلى 31 تامىزدا پرەزيدەنت توقاەۆتىڭ جارلىعىمەن قر قورعانىس ءمينيسترى لاۋازىمىنا تاعايىندالعان. كەيىن 2022 جىلدىڭ 11 قاڭتارىندا پرەزيدەنت توقاەۆ مينيستر بەكتانوۆتى ءوز قىزمەتىنە قايتا تاعايىنداۋ تۋرالى بۇيرىق شىعارعان.

ال «قاڭتار كوتەرىلىسىنەن» كەيىن، پرەزيدەنت توقاەۆ مينيستر بەكتانوۆتىڭ قىزمەتىن قاتاڭ سىناپ، 19 قاڭتار كۇنى قىزمەتىنەن العان.

«مينيستر بەكتانوۆ قولباسشىلىق قاسيەت كورسەتپەدى. قولىمىزدا كوماندالىق-شتابتىق جانە اسكەري وقۋ-جاتتىعۋلار كەزىندە جاقسى ناتيجە كورسەتكەن ارميا بولعاندىقتان، ءبىز قيىن جاعدايدا ونىڭ الەۋەتىن پايدالانا الماي، سىرتتان كومەككە جۇگىنۋگە ءماجبۇر بولدىق»، - دەگەن ەدى قاسىم-جومارت توقاەۆ.

Abai.kz