«انكارا سيرياداعى كۇردتەرگە قارسى جاڭا شابۋىلدى جوسپارلاپ وتىر. تۇركيا پرەزيدەنتى رەجەپ تايىپ ەردوعاننىڭ سوزىنشە، اسكەري وپەراتسيانىڭ ماقساتى تەرروريستىك قاۋىپتى باسۋ ءۇشىن تۇركيانىڭ وڭتۇستىك شەكاراسىنان ەنى 30 كم قاۋىپسىزدىك ايماعىن قۇرۋ»،-دەپ جازدى dw.com ونلاين باسىلىمى.

انكارا كۇرد جۇمىسشىلار پارتياسىن (KRP) جانە حالىقتىق ءوزىن-ءوزى قورعاۋ بولىمشەلەرىن (YPG, "سيريا دەموكراتيالىق كۇشتەرى" اليانسىنىڭ قۇرامىنا كىرەدى) تەرروريستىك ۇيىمدار دەپ اتايدى.

«ءبىز وڭتۇستىك شەكارالارىمىزدىڭ بويىندا 30 شاقىرىمدىق قاۋىپسىزدىك ايماعىن قۇرۋ بويىنشا جۇمىس ىستەپ جاتىرمىز. «بەيبىتشىلىك كوزى» وپەراتسياسى تۇركياعا قاتىستى تەرروريستىك قاۋىپتى بەيتاراپتاندىرادى جانە سيريالىق بوسقىنداردىڭ تۋعان جەرلەرىنە جايلى ورالۋىن جەڭىلدەتەتىن قاۋىپسىز ايماق قۇرۋعا مۇمكىندىك بەرەدى. ءبىز سيريانىڭ اۋماقتىق تۇتاستىعىن ساقتاپ، ايماق حالقىن لاڭكەستەردەن ازات ەتەمىز» دەدى تۇركيا پرەزيدەنتى رەجەپ ەردوعان.

بۇعان دەيىن دە تۇركيا بىرنەشە رەت لاڭكەستىككە قارسى وپەراتسيالار جۇرگىزگەن. ولاردىڭ ىشىندە «ەۆفرات قالقانى»، «ءزايتۇن بۇتاعى» جانە «كوكتەمگى قالقان» اتتى اسكەري وپەراتسيالار بولدى.

Abai.kz