قازاق قوعامىنىڭ قوعامدىق ساناسىنىڭ كوركەم فورماسى سانالاتىن ءداستۇرلى ونەر – ۇلتىمىزدىڭ كونە زاماننان بەرى قالىپتاسقان اسىل قازىناسى. الەمگە مەيمانامىز تاسىپ كورسەتە الاتىن ۇلى دالا ەلىنىڭ برەندى.

كەلەشەككە نىق قادام باسقان «الاتاۋ» ءداستۇرلى ونەر تەاترى ءوزىنىڭ باعىتى بويىنشا قازاقستاندا، ءتىپتى ورتا ازيادا بالاماسى جوق بىرەگەي تەاتر. تەاتر ماقساتى – پاديشا ءداستۇرلى ونەرىمىزدىڭ قاناتىن كەڭگە جايۋ. كورەرمەندەردىڭ ءداستۇرلى ونەر ورداسىنا دەگەن ىنتا-ىقىلاستارىنىڭ كۇننەن-كۇنگە ارتىپ كەلە جاتقانىن الەۋمەتتىك جەلىلەر، ءباسپاسوز بەتتەرىنەن جانە ت.ب. كورۋگە بولادى. بۇل ۇلت رۋحىنىڭ جارشىسىنا اينالعان تەاتر ءۇشىن عانا ەمەس، كۇللى قازاق ءۇشىن ۇلكەن ابىروي.

الاتاۋ» ءداستۇرلى ونەر تەاترى 2022 جىلدىڭ 10-26 ماۋسىم ارالىعىندا

• «اگۋگاي مەن يگيگاي» اتتى حالىق ەرتەگىلەرى مەن ءداستۇرلى اندەردەن قۇرالعان بالالارعا ارنالعان مۋزىكالىق ەرتەگى (2022 – بالالار جىلى اياسىندا),
• «التىباقان» ويىن-ساۋىق ءان كەشى،
• ايتىسكەر اقىن رينات زايتوۆتىڭ «مەن سەندەردى جاقسى كورەمىن، ادامدار» اتتى مۋزىكالىق كەشى،
• «ايمان-شولپان» مۋزىكالىق كومەدياسىمەن (پرەمەرا،م.اۋەزوۆتىڭ 125 جىلدىعىنا وراي)

نۇر-سۇلتان، پاۆلودار، ەكىباستۇز، سەمەي، وسكەمەن، اباي جانە اياگوزگە گاسترولدىك ساپارلارمەن  بارۋدى جوسپارلاپ وتىر. بۇل ساپاردىڭ تەاتر ءۇشىن تۇڭعىش رەت ەكەنىن ايتا كەتكەن ءجون.

ءتول ونەرىمىزدى تورگە ورلەتەر الاتاۋ» ءداستۇرلى ونەر تەاترىنىڭ گاسترولدىك ساپارى وڭىنان بولعاي!

Abai.kz