پرەزيدەنت قاسىم-جومارت توقاەۆتىڭ "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كەيبىر ماسەلەلەرى تۋرالى" جارلىعىنىڭ ءماتىنى جاريالاندى.

قۇجات نورماتيۆتىك قۇقىقتىق اكتىلەردىڭ اقپاراتتىق-قۇقىقتىق جۇيەسىندە جاريالاندى.

قايتا ۇيىمداستىرىلاتىن رەسپۋبليكالىق مەملەكەتتىك مەكەمەلەردىڭ تىزبەسىنە مىنالار كىردى:

• "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اقپاراتتى تەحنيكالىق قورعاۋ ورتالىعى" رەسپۋبليكالىق مەملەكەتتىك مەكەمەسى مەن "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اقپاراتتىق قاۋىپسىزدىك سالاسىندا ماماندار دايارلاۋ جانە ولاردىڭ بىلىكتىلىگىن ارتتىرۋ ورتالىعى" رەسپۋبليكالىق مەملەكەتتىك مەكەمەسىن قوسۋ ارقىلى "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اقپاراتتى تەحنيكالىق قورعاۋ جانە مەملەكەتتىك قۇپيالاردى قورعاۋ سالاسىندا ماماندار دايارلاۋ ورتالىعى" رەسپۋبليكالىق مەملەكەتتىك مەكەمەسى.
• "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ "اقتاۋ" جابدىقتاۋ باسقارماسى" رەسپۋبليكالىق مەملەكەتتىك مەكەمەسىن ءبولىپ شىعارۋ ارقىلى "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ ماڭعىستاۋ وبلىسى بويىنشا دەپارتامەنتى" رەسپۋبليكالىق مەملەكەتتىك مەكەمەسى.
• "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ "الماتى" جابدىقتاۋ باسقارماسى" رەسپۋبليكالىق مەملەكەتتىك مەكەمەسىن ءبولىپ شىعارۋ ارقىلى "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ الماتى وبلىسى بويىنشا دەپارتامەنتى" رەسپۋبليكالىق مەملەكەتتىك مەكەمەسى.
• "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ "جاڭعىزتوبە" جابدىقتاۋ باسقارماسى" رەسپۋبليكالىق مەملەكەتتىك مەكەمەسىن ءبولىپ شىعارۋ ارقىلى "قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ شىعىس قازاقستان وبلىسى بويىنشا دەپارتامەنتى" رەسپۋبليكالىق مەملەكەتتىك مەكەمەسى.
• "قازاقستان رەسپۋبليكاسى ۇلتتىق قاۋىپسىزدىك كوميتەتى اۆياتسيا قىزمەتىنىڭ اۆياتسيالىق باسقارماسى" رەسپۋبليكالىق مەملەكەتتىك مەكەمەسىن قوسۋ ارقىلى "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۆياتسيا قىزمەتى" رەسپۋبليكالىق مەملەكەتتىك مەكەمەسى.

پرەزيدەنتتىڭ كەيبىر جارلىقتارىنا ەنگىزىلەتىن وزگەرىستەر مەن تولىقتىرۋلاردىڭ ءبىر بولىگى قىزمەت بابىندا پايدالانىلاتىنى ءۇشىن قۇپيا بولادى.

قۇجاتتىڭ تولىق نۇسقاسىن مىنا سىلتەمەدەن وقۋعا بولادى.

ەسكە سالايىق، 17 مامىردا پرەزيدەنت "قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كەيبىر ماسەلەلەرى تۋرالى" № 893 جارلىققا قول قويدى. قۇجاتتا ۇلتتىق قاۋىپسىزدىك ورگاندارىنىڭ قىزمەتىن جەتىلدىرۋدى كوزدەيتىن پرەزيدەنتتىڭ 15 جارلىعىنا تۇزەتۋلەر ەنگىزىلەدى. ۇقك جاڭارتىلعان قۇرىلىمى بەكىتىلدى. ۇقك-ءنىڭ جەكەلەگەن مەملەكەتتىك مەكەمەلەرى قايتا ۇيىمداستىرىلدى جانە وڭتايلاندىرىلدى.

Abai.kz