2021 جىلدان بەرى قدب زايمىنا ۇمىتكەرلەر تىزىمىندە Medeu Park Hotel كومپانياسى دا بولعان، الايدا وسى اپتادا بانك بۇل جوبانى تىزىمنەن الىپ تاستاعان. بانك بۇنىڭ سەبەبىن "ينديكاتيۆ اناليزگە قاجەتتى قۇجاتتار تاپسىرمادى" دەپ تۇسىندىرگەن.

كursiv.media مالىمەتىنشە، بورانباەۆ قوناق ءۇي كەشەنى قاراجاتىنىڭ ۇشتەن ەكىسىن Medeu Park Hotel كومپانياسى ارقىلى قازاقستان دامۋ بانكىنەن الۋدى كوزدەگەن.

بىلتىر الماتىدا وتكەن ينۆەستيتسيا فورۋمىندا Medeu Park Hotel كومپانياسىنىڭ قارجى ديرەكتورى ارمان رامازانوۆ قدب-تەن 10- 12,5 ميلليارد تەڭگە الۋدى جوسپارلاعانىن ايتقان.

كursiv.media دەرەگىنشە، سوۆەت زامانىنداعى ەسكى "مەدەۋ" قوناق ءۇيى ءسۇرىلىپ، ونىڭ ورنىنا ءۇش قاباتتى عيمارات سالىنا باستاعان. ول Medeu Park Hotel 2022 جىلعى جەلتوقساندا اشىلادى دەپ جوسپارلانعان. الايدا نىسان پاسپورتىنداعى اقپاراتتا قۇرىلىس 2024 جىلعى ناۋرىزدا اياقتالاتىنى جازىلعان.

بورانباەۆقا تيەسىلى تاعى ءبىر كومپانيا ءوتىنىشىن قازاقستان دامۋ بانكى قابىلدامادى، دەپ حابارلادى باسىلىم. بۇل كومپانيا بۋتاكوۆكا شاتقالىندا Butakovka Wellness&SPA ساۋىقتىرۋ كەشەنىن سالۋدى كوزدەگەن. قۇرىلىسقا 13 ميلليارد تەڭگە قاجەت. قاراجاتتىڭ ءبىر بولىگىن كومپانيا قازاقستان دامۋ بانكىنەن العىسى كەلگەن، دەپ جازدى كursiv.media.

قايرات بورانباەۆ — ەكس-پرەزيدەنت نۇرسۇلتان نازارباەۆتىڭ قىزى داريعا نازارباەۆانىڭ بۇرىنعى قۇداسى. ونى قازاقستاندىق Forbes ەلدەگى ىقپالدى بەس كاسىپكەر قاتارىنا ەنگىزگەن.

قازاقستاندا بورانباەۆقا "اسا ءىرى كولەمدە اقشا جىمقىردى" دەگەن كۇدىكپەن بيىل ناۋرىز ايىندا ۇستالدى. سودان كەيىن ونىڭ الماتىداعى پاركينگتەردى باسقاراتىن ەكى كومپانياسى الماتى اكىمدىگىنە قايتارىلدى. بۇعان قوسا، بورانباەۆتىڭ قاراعاندى فارماتسەۆتيكا كەشەنى ءساۋىر ايىندا رەسەيلىك "سپۋتنيك V" ۆاكتسيناسىن شىعارۋدى دوعاردى.

Abai.kz