«گەرمانيانىڭ بيلەۋشى كواليتسياسى مەن وپپوزيتسياسى ارميانى جاڭارتۋ ءۇشىن ءجۇز ميلليارد ەۋرو ءبولۋ تۋرالى كەلىسىمگە كەلدى. ول ءۇشىن گەرمانيادا ارنايى قور قۇرىلادى، ونىڭ ىشىندە ەڭ جاڭا قارۋ-جاراق تاپسىرىسى قارجىلاندىرىلادى»،-دەپ جازدى Euronews.

«نەگىزگى ماقسات — نەمىس ارمياسىنىڭ قورعانىس قابىلەتىن ارتتىرۋ ارقىلى ەلدىڭ بوستاندىعى مەن دەموكراتياسىن قورعاۋ»،- دەيدى گەرمانيا كانتسلەرى ولاف شولتس.

ول اقپان ايىنىڭ سوڭىندا  رەسەي ۋكرايناعا باسىپ كىرگەننەن كەيىن قورعانىس شىعىندارىنىڭ وسكەنىن ايتتى. سودان كەيىن ولاف شولتس «نەمىس بيلىگى بۋندەسۆەرگە ۇلتتىق ءجىو- ءنىڭ 2 پايىزدان  استامىن ينۆەستيتسيالايدى»، دەپ ۋادە بەردى. بۇل ناتو-نىڭ بارلىق ەلدەرىندەگى تالاپ بولىپ سانالادى. گەرمانيا ۇكىمەتى بيىل مەملەكەتتىك بيۋدجەتتەن ءجۇز ميلليارد ەۋرو بولۋگە دايىن.

ارنايى قوردى قوسىمشا كرەديتتەر ەسەبىنەن قارجىلاندىرۋ جوسپارلانۋدا. بىراق گەرمانيانىڭ نەگىزگى زاڭى بيۋدجەتتەن كوپ اقشا جۇمساۋعا تىيىم سالادى. سوندىقتان گەرمانيا كونستيتۋتسياسىنا وزگەرىستەر ەنگىزىلۋى كەرەك. كونستيتۋتسياعا وزگەرىستەر ەنگىزۋ ءۇشىن بۋندەستاگ پەن بۋندەسرات دەپۋتاتتارىنىڭ ۇشتەن ەكىسىنىڭ قولداۋى قاجەت. بيلەۋشى كواليتسيا وپپوزيتسيالىق داۋىستارسىز تۇزەتۋلەردى قابىلداي المايدى.

قىرعي قاباق سوعىس اياقتالعاننان كەيىن گەرمانيا ارميانى 1990 جىلى شامامەن 500 مىڭ ادامنان 200 مىڭعا دەيىن قىسقارتتى. وتكەن جىلدىڭ جەلتوقسان ايىنداعى ەسەپكە سايكەس، ەلدەگى اسكەري كەمەلەردىڭ 30% - دان ازى ىسكە جارامدى ەكەن.

Abai.kz