اتىراۋ وبلىسى اكىمىنىڭ ورىنباسارى باقىتگۇل حامەنوۆاعا قاتىستى قىلمىستىق ءىس سوتقا جەتتى، دەپ حابارلايدى Abai.kz سايتى قازاقپاراتقا سىلتەمە جاساپ.

قىلمىستىق ءىس اتىراۋ قالاسىنىڭ №2 سوتىندا قارالادى.

«بيىلعى جىلدىڭ 26 مامىرىندا اتىراۋ قالاسىنىڭ №2 سوتىنا قر قىلمىستىق كودەكسىنىڭ 366-بابىنىڭ 3-بولىگىنىڭ 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا، اتىراۋ وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە، قر قىلمىستىق كودەسىنىڭ 367-بابىنىڭ 2-بولىگىمەن «ب» جشس-ءنىڭ ديرەكتورىنا قاتىستى قىلمىستىق ءىس ءتۇستى»، -دەپ ءمالىم ەتتى وبلىستىق سوتتىڭ ءباسپاسوز قىزمەتىنەن.

بۇدان بۇرىن باقىتگۇل حامەنوۆاعا قاماۋعا الىنعان بولاتىن.

سىبايلاس جەمقورلىققا قارسى قىزمەتى مالىمدەگەندەي، اتىراۋ وبلىسى اكىمىنىڭ ورىنباسارى مەن مادەنيەت، ارحيۆتەر جانە قۇجاتتاما باسقارماسىنىڭ باسشىسى پارا الۋ كۇدىگىنە ىلىنگەن. كۇدىكتىلەر اباي ەسكەرتكىشىن جاساۋ جانە ورناتۋ بويىنشا 145 ملن تەڭگە سوماسىنا مەملەكەتتىك ساتىپ الۋ شارتىن جاساعانى ءۇشىن ءبىر توپ اداممەن الدىن الا ءسوز بايلاسۋ ارقىلى جشس باسشىسىنان 4,5 ملن تەڭگە سوماسىندا پارا العان.

وسىعان بايلانىستى اتىراۋ وبلىسىنىڭ ارنايى تەرگەۋ سوتى ۋاقىتشا ۇستاۋ يزولياتورىندا وتىرعان وبلىس اكىمىنىڭ ورىنباسارى باقىتگۇل حامەنوۆانى ۇيقاماققا الۋ تۋرالى سانكتسيا بەردى. كەيىن ول تەرگەۋ يزولياتورىنا قامالدى.

اتىراۋ وبلىسى اكىمىنىڭ ورىنباسارىنا قاتىستى قىلمىستىق ءىس قر قىلمىستىق كودەكسىنىڭ 366-بابىنىڭ 2-بولىگىمەن (كوپ مولشەردە پارا الۋ) تەرگەلدى.

باقىتگۇل حامەنوۆا اتىراۋ وبلىسى اكىمىنىڭ ورىنباسارى قىزمەتىن 2020 جىلعى 13 ناۋرىزدا تاعايىندالعان.

Abai.kz