"مەنەن ەل ىشىندە جانە شەتەلدەن مەملەكەت باسشىسى رەفەرەندۋم ارقىلى پرەزيدەنتتىك مەرزىمىن سوزا ما، پرەزيدەنتتىك مەرزىمىن جويا ما دەپ قويادى. جاۋاپ بەرەيىن: ونداي ويىم بولماعان جانە بولمايدى دا" دەدى ول.

قازاقستان باسشىسى بۇل ءسوزىن 5 ماۋسىمدا وتەتىن كونستيتۋتسياعا وزگەرىستەر ەنگىزۋ بويىنشا رەفەرەندۋم قارساڭىندا ايتتى. توقاەۆ قازاقستاندا كونستيتۋتسيانى وزگەرتۋ بويىنشا رەفەرەندۋم العاش رەت وتەتىنىن اتاپ ءوتتى. ەلدە بۇعان دەيىن رەفەرەندۋمدار ەلدىڭ ەكس-پرەزيدەنتى نۇرسۇلتان نازارباەۆتىڭ بيلىگىن سوزۋ ءۇشىن عانا وتكىزىلگەن ەدى.

قازىرگى كونستيتۋتسياعا ساي، ەلدە ءبىر ادام بەس جىلدان تەك ەكى رەت پرەزيدەنتتىككە سايلانادى. توقاەۆ 2019 جىلى 9 ماۋسىمدا وتكەن ۋاقىتىنان بۇرىن پرەزيدەنت سايلاۋىندا 70 پايىزدان ارتىق داۋىس جيناپ، پرەزيدەنت بولىپ سايلانعان. ونىڭ العاشقى پرەزيدەنتتىك مەرزىمى 2024 جىلى اياقتالادى.

ەلدى وتىز جىلداي باسقارعان نازارباەۆ تا بيلىگىنىڭ العاشقى جىلدارى "مەرزىمىنەن ارتىق وتىرمايتىنىن", "تۋىستارى بيلىككە ارالاسپايتىنىن" ايتقان ەدى. بىراق ول رەفەرەندۋم جانە مەرزىمىنەن بۇرىن سايلاۋ وتكىزۋ ارقىلى بيلىگىن بىرنەشە رەت سوزىپ العان. نازارباەۆ بيلىگى تۇسىندا ونىڭ وتباسى مەن جاقىندارى ەلدەگى ەڭ باي ادامداردىڭ بىرىنە اينالدى.

5 ماۋسىمدا قازاقستان كونستيتۋتسياسىنا ەنگىزىلەتىن وزگەرىستەر بۇكىلحالىقتىق رەفەرەندۋمعا شىعارىلادى. كوپتەگەن ساراپشىلار "رەفەرەندۋم ماسەلەسى قوعامدا جەتكىلىكتى تالقىلانبادى، بيلىك وزىنە ىڭعايلى نۇسقانى جاسادى" دەپ سىنايدى، قازاقستان بيلىگى "كونستيتۋتسياعا رەفەرەندۋم ارقىلى ەنەتىن وزگەرىستەر ساياسي رەفورمانىڭ باستاۋى" دەپ ەسەپتەيدى.

جاڭا وزگەرىستەردە كونستيتۋتسيادان قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ مارتەبەسى الىنادى.

Abai.kz