بۇگىنگى رەفەرەندۋمعا بايلانىستى تەلەگرام ارنالاردا جالعان بەينەروليكتەر تاراي باستاعان. بۇل تۋرالى stopfake.kz حابارلادى.

«Telegram-ارنالاردا بيۋللەتەندەردى داۋىس بەرۋگە ارنالعان جاشىككە سالۋ بارىسى كورسەتىلگەن بەينەروليك تارادى. ول بۇگىن، 5 ماۋسىمدا رەسپۋبليكالىق رەفەرەندۋم بارىسىندا تۇسىرىلگەن دەپ حابارلاندى. بۇل وتىرىك.

شىن مانىندە، بۇل ۆيدەو 2009 جىلى قىرعىزستاندا پرەزيدەنتتىك سايلاۋ كەزىندە تۇسىرىلگەن. ونى جەلىدەن تاۋىپ، كورۋگە بولادى. قولدانۋشىلاردىڭ جازۋىنشا، بۇزۋشىلىق باقاي اتا اۋدانىنداعى № 6071 ۋچاسكەدە ورىن العان.

بۇگىن قازاقستاندا ءوتىپ جاتقان رەفەرەندۋمعا ونىڭ ەشقانداي قاتىسى جوق»،-دەپ جازدى stopfake.kz سايتى.

Abai.kz