2021 جىلدىڭ قورىتىندىسى بويىنشا "قازمۇنايگاز" باسقارما مۇشەلەرىنە بەرىلگەن سىياقى مولشەرى 228 ملن تەڭگە، ال، ديرەكتورلار كەڭەسى مۇشەلەرىنىڭ سىياقىسى - 181 ملن تەڭگەنى قۇرادى.

بۇل تۋرالى "قازمۇنايگاز" ۇك " اق باسقارما توراعاسىنىڭ ورىنباسارى داۋرەن قاراباەۆ مالىمدەدى. ول ءار ادامنىڭ قانشا الاتىنى تۋرالى اقپارات جەكە دەرەك بولىپ سانالعاندىقتان، ونى جاريالاي المايتىنىن ايتقان.

قمگ باسقارما قۇرامىنا بەس ادام كىرەدى: باسقارما توراعاسى ماعزۇم مىرزاعاليەۆ، باسقارما توراعاسىنىڭ ەكونوميكا جانە قارجى جونىندەگى ورىنباسارى داۋرەن قاراباەۆ، توراعانىڭ ستراتەگيا، ينۆەستيتسيالار جانە بيزنەستى دامىتۋ جونىندەگى ورىنباسارى داستان ابدۋلعافاروۆ، توراعانىڭ بارلاۋ جانە ءوندىرۋ جونىندەگى ورىنباسارى قۇرمانعازى ەسقازيەۆ جانە توراعانىڭ ءىرى مۇناي-گاز جوبالارى جونىندەگى ورىنباسارى مۇرات مۇنباەۆ.

ۇلتتىق كومپانيانىڭ ديرەكتورلار كەڭەسى جەتى ادامنان تۇرادى: «قازمۇنايگاز» ۇك اق ديرەكتورلار كەڭەسىنىڭ توراعاسى، تاۋەلسىز ديرەكتور ۋولتون كريستوفەر دجون، "سامۇرىق-قازىنا" اق مۇددەلەرىنىڭ وكىلى ۇزاقباي قارابالين، قوعاممەن بايلانىس جانە وزگەرىستەردى باسقارۋ جونىندەگى باسقارۋشى ديرەكتورى عيبرات اۋعانوۆ، تاۋەلسىز ديرەكتور ميللەر تيموتي گلەن جانە باسقا مۇشەلەرى ماعزۇم مىرزاعاليەۆ، ەرنار ءجانادىل، فيليپ حوللاند.

بۇعان دەيىن "قازمۇنايگاز" 1 ترلن تازا كىرىستى ءوز قالاۋى بويىنشا جۇمسايتىنىن ايتقان ەدى.

Abai.kz