«نۇر وتان» پارتياسى توراعاسىنىڭ ءبىرىنشى ورىنباسارى باقىتجان ساعىنتاەۆتىڭ وڭىرلەرگە ءىسساپارى قىزىلوردا وبلىسىندا جالعاستى. ول ساپارىنىڭ العاشقى كۇنى بىرنەشە كاسىپورىن جانە مەكەمە جۇمىسىنىڭ جاي-جاپسارىمەن تانىسىپ، پارتيانىڭ شيەلى اۋداندىق فيليالىنىڭ ەسەپ-بەرۋ سايلاۋ كونفەرەنتسياسىنا قاتىستى.

«نۇر وتان» پارتياسى توراعاسىنىڭ ءبىرىنشى ورىنباسارى باقىتجان ساعىنتاەۆتىڭ وڭىرلەرگە ءىسساپارى قىزىلوردا وبلىسىندا جالعاستى. ول ساپارىنىڭ العاشقى كۇنى بىرنەشە كاسىپورىن جانە مەكەمە جۇمىسىنىڭ جاي-جاپسارىمەن تانىسىپ، پارتيانىڭ شيەلى اۋداندىق فيليالىنىڭ ەسەپ-بەرۋ سايلاۋ كونفەرەنتسياسىنا قاتىستى.

سونداي-اق «باتىس ەۋروپا-باتىس قىتاي» حالىقارالىق كولىك ءدالىزى مەن مەملەكەت تاراپىنان جۇزەگە اسىپ جاتقان الەۋمەتتىك نىسانداردى ارالاعان «نۇر وتان» پارتياسى توراعاسىنىڭ ءبىرىنشى ورىنباسارى باقىتجان ساعىنتاەۆ اۋەلى شيەلى اۋدانىنداعى پوليەتيلەن قۇبىر ءوندىرۋشى كاسىپورىن جۇمىسىمەن تانىستى. جاڭا تەحنولوگياعا ساي جابدىقتالعان ءوندىرىس ورنىنىڭ ونىمدەرى تاۋ-كەن سالاسىندا كەڭىنەن پايدالانىلىپ كەلەدى. مۇنان سوڭ اۋدان ورتالىعىنداعى 50 ورىندىق مۇگەدەك بالالارعا ارنالعان وڭالتۋ ورتالىعىندا بولدى.
پارتيانىڭ شيەلى فيليالىنىڭ ەسەپ بەرۋ-سايلاۋ كونفەرەنتسياسىندا باقىتجان ساعىنتاەۆ مەملەكەت باسشىسى، پارتيا توراعاسىنىڭ قازاقستاندى الەۋمەتتىك جاڭعىرتۋ مىندەتىن ىسكە اسىرۋ تەتىكتەرىن تىلگە تيەك ەتتى. حالىق مۇددەسىن قورعاۋدا پارتيا ۇيىمدارى بەلسەندىلىك تانىتۋ قاجەتتىگىن ەسكەرتكەن ول: «بۇگىنگى كۇنى باستاۋىش پارتيا ۇيىمدارىن، پارتيا فيليالدارىن بەلسەندى ساياسي كۇرەستىڭ وزەگىنە اينالدىرۋ جونىندەگى پارتيا توراعاسىنىڭ قويعان مىندەتى وزەكتى بولىپ كەلەدى. ءدال وسى ۇيىمدار پارتيانىڭ نەگىزى جانە ءار ەلدى مەكەندەگى، ۇيىم مەن كاسىپورىندارداعى پارتيامىزدىڭ تولىققاندى وكىلى ەكەندىگى ايقىن. پارتيامىزدىڭ بولاشاقتا قانداي بولاتىندىعى قاتارىمىزدىڭ تازالىعى مەن تارتىبىنە تىكەلەي بايلانىستى»، - دەدى.
ساپارىنىڭ ەكىنشى كۇنى باقىتجان ساعىنتاەۆ «باتىس ەۋروپا-باتىس قىتاي» حالىقارالىق ءاۆتودالىز قۇرىلىسىن ارالاپ، جۇمىسشىلارمەن كەزدەستى. سونىمەن بىرگە مەردىگەر كومپانيا سالىپ جاتقان تەمىرجول وتكەلىن دە كوردى. جوبا اياسىندا وبلىس بويىنشا وسىنداي 48 كوپىر، 14 جول ايرىعى، 812 شاقىرىم جول سالىنادى. وبلىستىق مەديتسينا ورتالىعىنا ايالداپ، «سالاماتتى قازاقستان» باعدارلاماسى اياسىنداعى سوڭعى سەرپىلىستەر مەن تىڭ جاڭالىقتارعا قانىقتى. ايماقتا «بالاپان» باعدارلاماسى شەڭبەرىندە قولعا الىنعان شارالار دا كوپ. سوڭعى 2 جىلدا بالاباقشا كەزەگىندە تۇرعان 9 مىڭ ءبۇلدىرشىن تاربيە وشاقتارىنا ورنالاسقان. بۇگىندە وبلىستا جەكە بوبەكجايلار سانى 81-گە جەتسە، رەسپۋبليكالىق جانە وبلىستىق بيۋدجەت ەسەبىنەن 9 بالاباقشا سالىنۋدا.

"تۇركىستان" گازەتى