«ءبىلىمدى ۇلت «ساپالى ءبىلىم بەرۋ» ۇلتتىق جوباسىن ىسكە اسىرۋ اياسىندا جۇمىسشى ماماندىقتاردى تانىمال ەتۋ جانە «WorldSkills Kazakhstan» ۇلتتىق قوزعالىسىن قولداۋ ماقساتىندا 2022 جىلعى 11- 20 مامىر ارالىعىندا قالا كوللەدجدەرىنىڭ الاڭدارىندا «WorldSkills Almaty-2022» ايماقتىق چەمپيوناتى وتەدى.

بۇگىن اتالعان چەمپيونات الماتىدا باستالدى، وعان 51 قۇزىرەتتىلىك بويىنشا 350-دەن استام جاس ماماندار قاتىسادى دەپ كۇتىلۋدە.

چەمپيونات جۇمىسشى كاسىپتەرىنىڭ بەدەلىن ارتتىرۋعا، تاجىريبە الماسۋعا جانە قاتىسۋشىلاردىڭ قۇزىرەتىن كەڭەيتۋگە باعىتتالعان.

«2015 جىلدان باستاپ قازاقستان WorldSkills International حالىقارالىق قوزعالىسىنىڭ العان كاسىبي داعدىلارىن كورسەتەتىن جارىستاردىڭ مۇشەسى جانە بەلسەندى قاتىسۋشىسى بولىپ تابىلادى. 21 كوللەدج بازاسىندا وتەتىن چەمپيونات الاڭدارى سىزدەر ءۇشىن كاسىپتىك باعدار بەرۋ جانە بولاشاق ماماندىقتى تاڭداۋ ماقساتىندا اشىق بولادى»، – دەدى الماتى قالاسى اكىمىنىڭ ورىنباسارى اسەم ءنۇسىپوۆا جارىستىڭ اشىلۋ سالتاناتىندا.

WorldSkills Almaty اياسىندا Abilympics جانە DeafSkills چەمپيوناتتارى قاتار وتەتىن بولادى، وندا ەرەكشە ءبىلىم بەرۋ قاجەتتىلىكتەرى بار ستۋدەنتتەر وزدەرىنىڭ بىرەگەي تالانتتارىن اشادى.

WorldSkills Almaty-2022 جارىستارى WorldSkills International حالىقارالىق چەمپيوناتىنا قاتىسۋ ءۇشىن ۇزدىكتەردى انىقتاۋعا مۇمكىندىك بەرەدى.

ايتا كەتەيىك، الماتىدا 182 مىڭنان استام ستۋدەنت ءبىلىم الاتىن 36 جوعارى وقۋ ورنى بار. قالادا جالپى كونتينگەنتى 73 719 ستۋدەنت بولاتىن 83 كوللەدج (23 – مەملەكەتتىك جانە 60 جەكە) جۇمىس ىستەيدى. تەحنيكالىق جانە كاسىپتىك وقىتۋ ۇيىمدارىندا كادرلار دايارلاۋ 99 ماماندىق جانە 165 بىلىكتىلىك بويىنشا جۇزەگە اسىرىلادى.

2022 جىلى كوللەدجدە ءبىلىم الۋشىلاردى قابىلداۋعا مەملەكەتتىك ءبىلىم بەرۋ تاپسىرىسى 3500 ورىنعا – 11405-تەن 14900 ورىنعا دەيىن ۇلعايتىلدى.

Abai.kz