مەكتەپ جاسىنداعى قىزدارعا ورامال تاعۋ كەرەك دەگەن پىكىر ايتىلىپ ءجۇر. مەنىڭشە بۇل بەلگىسىز ءبىر توپتىڭ قازاقستاندى السىرەتىپ ءتىپتى باسقا ءبىر ەلگە جىعىپ بەرىپ سول ەلدىڭ قۇرامىنا كىرگىزىپ قازاق دەگەن ەلدى مۇلدەم جوق قىلىپ جىبەرۋدىڭ جولى سياقتى.

تاريحتا جۇزدەگەن، مىڭ جىلداعان ۋاقىتتا ىسكە اسىرىلاتىن جوسپارلار جاساۋ بولعان.

مىسالى، قىتاي پاتشاسىنا ءۋازىرى بىلاي دەپ كەڭەس بەرگەن: "قىزىڭىزدى عۇن ەلىنىڭ پاتشاسىنا ايەلدىككە بەرىڭىز. قىزىڭىز ۇل تۋادى. جيەنىڭىزدى سارايىڭىزعا اكەلىپ تاربيەلەپ وسىرەسىز. سودان سوڭ ول عۇن پاتشاسى بولادى. وسىلايشا قىتايشا تاربيەلەنگەن جيەنىڭىز ارقىلى عۇن ەلىن ەش سوعىسسىز ءبىر دە وق شىعارماي جاۋلاپ الاسىز".

ورامال تاعۋ كەرەك دەگەن وزەۋرەۋ دە وسىنداي جوسپار سياقتى.
ءوزىڭىز ويلاپ قاراڭىزشى. مەكتەپتەگى بۇعاناسى قاپتاعان ءجاوسپىرىم قىزدار ورامال تاقسا بويىنا تازا اۋا تيمەيدى. سودان ول قىزدار دەنساۋلىعى ءالسىز بولادى. ەرتەڭ بالا تاپقان ءالسىز ايەلدىڭ بالاسى دا ءالسىز بوپ تۋادى. وسى جاعداي جىلدار بويى قايتالانسا ءالسىز ۇرپاق وسەدى. ءالسىز ايەل - ءالسىز بالا - ءالسىز قازاقستان. ورامال تاپقان ءجاسوسپىرىم مىنا اۋا جەتكىلىكتى مولشەردە جەتپەگەندىكتەن ساناسى قىسپاقتا بولادى. ول ونى ءوزى سەزبەيدى. ايەل بولعاندا ابدەن باسىلىپ وسكەندىكتەن ۇل-قىزدارىنا ەركىندىك قۇندىلىعىن بەرە المايدى. پسيحولوگيا جاعىنان ءالسىز بولىپ وسكەن ۇل-قىزدار مەملەكەتتىڭ وركەندەۋىنە، وتانىن قورعاۋعا قۇلىقسىز بولادى. دەمەك قازاقستاننىڭ قارۋلى كۇشتەرى ءالسىز بولادى. رۋحى ءالسىز اسكەردى جەڭۋ وتە وڭاي. بۇل قازاقستانعا ىشتەن تونەتىن ەڭ ۇلكەن قاۋىپ.

قازاقتى، قازاقستاندى السىرەتۋ كىمگە كەرەك بولدى ەكەن؟
ويلانىڭىز اعايىن. وتان ءسىزدىڭ ۇيىڭىزدەن باستالاتىنىن ۇمىتپاڭىز. ءار قازاق ءسىز وتانىمىز قازاق ەلى مەن جەرى ءۇشىن جاۋاپتىسىز!

بەردالى وسپان

Abai.kz