قازاقستاندا ۆەيپتەردى ساتۋعا جانە پايدالانۋعا زاڭدى تۇردە تىيىم سالۋ، سونداي-اق، اكتسيز ەنگىزۋ جوسپارلانىپ وتىر. بۇل تۋرالى ءماجىلىس دەپۋتاتى امانجان جامالوۆ ايتتى.

"نەگىزگى داۋدىڭ سەبەبى بۇلارعا (جىلىتىلعان تەمەكى قوسىلعان ونىمدەرگە. - ەسكەرتۋ) سالىنعان سالىق. بىلەسىز بە، وسى ۋاقىتقا دەيىن قازاقستاندا ەلەكتروندى تەمەكىگە ەشقانداي سالىق سالىنباعان. ددسۇ مالىمەتىنشە، بۇل تەمەكىلەر اسەر ەتۋ، قۇرامىنداعى نيكوتين جانە باسقا دا كورسەتكىشتەرى جاعىنان كادىمگى تەمەكى سياقتى. سوندىقتان، دەپۋتاتتار اكتسيز سالۋ تۋرالى شەشىم قابىلدادى.

سونىمەن قاتار، قازاقستاندا تەمەكى قوسپاسى بار ەلەكتروندى قۇرىلعىلار دەپ اتالاتىن ۆەيپتەردى ساتۋعا جانە پايدالانۋعا تىيىم سالاتىن دەنساۋلىق ساقتاۋ كودەكسىنە وزگەرتۋلەر ەنگىزۋ تۋرالى شەشىم قابىلداندى. ولاردى قازاقستاندا ساتۋعا جانە پايدالانۋعا تولىق تىيىم سالىنادى. سوندىقتان ءبىز سالىق كودەكسىنەن بۇل ۇعىمداردى الىپ تاستادىق", - دەپ ءتۇسىندىردى ول ءماجىلىس وتىرىسىندا.

Abai.kz