بۇگىننەن باستاپ مەملەكەت باسشىسىنىڭ 2022 جىل 8 ماۋسىمداعى "قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى" جارلىعى كۇشىنە ەندى. بۇل تۋرالى اقوردا سايتىندا جاريالاندى.

سونىمەن ءۇش جاڭا وبلىس رەسمي تۇردە جاريالاندى:

«شىعىس قازاقستان وبلىسىنىڭ قۇرامىنان اقسۋات، اباي، اياگوز، بەسقاراعاي، بورودۋليحا، جارما، ءۇرجار، كوكپەكتى اۋداندارىن، سەمەي جانە كۋرچاتوۆ قالالارىن ءبولۋ جولىمەن اكىمشىلىك ورتالىعى سەمەي قالاسىندا ورنالاساتىن اباي وبلىسى;

الماتى وبلىسىنىڭ قۇرامىنان اقسۋ، الاكول، ەسكەلدى، قاراتال، كەربۇلاق، كوكسۋ، پانفيلوۆ، سارقان اۋداندارىن، تالدىقورعان جانە تەكەلى قالالارىن ءبولۋ جولىمەن اكىمشىلىك ورتالىعى تالدىقورعان قالاسىندا ورنالاساتىن جەتىسۋ وبلىسى;

قاراعاندى وبلىسىنىڭ قۇرامىنان جاڭاارقا، ۇلىتاۋ اۋداندارىن، جەزقازعان، قاراجال جانە ساتباەۆ قالالارىن ءبولۋ جولىمەن اكىمشىلىك ورتالىعى جەزقازعان قالاسىندا ورنالاساتىن ۇلىتاۋ وبلىسى قۇرىلسىن.

الماتى وبلىسىنىڭ اكىمشىلىك ورتالىعى تالدىقورعان قالاسىنان قوناەۆ قالاسىنا كوشىرىلسىن»،- دەپ جازىلدى قاۋلىدا.

سونداي-اق ەكىنشى قاۋلى بويىنشا شىعىس قازاقستان وبلىسى تارباعاتاي اۋدانىنىڭ اكىمشىلىك ورتالىعى شىعىس قازاقستان وبلىسى تارباعاتاي اۋدانىنىڭ اقسۋات اۋىلىنان اقجار اۋىلىنا كوشىرىلدى.

«شىعىس قازاقستان وبلىسىنىڭ قۇرامىندا:

تارباعاتاي اۋدانىنىڭ قۇرامىنان ءبولۋ جولىمەن اكىمشىلىك ورتالىعى اقسۋات اۋىلىندا ورنالاساتىن اقسۋات اۋدانى;

«كوكپەكتى اۋدانىنىڭ قۇرامىنان ءبولۋ جولىمەن اكىمشىلىك ورتالىعى سامار اۋىلىندا ورنالاساتىن سامار اۋدانى قۇرىلسىن.

وسى جارلىق 2022 جىلعى 7 ماۋسىمنان باستاپ قولدانىسقا ەنگىزىلەدى جانە رەسمي جاريالانۋعا ءتيىس”،- دەلىنگەن قاۋلىدا.

بۇگىننەن باستاپ قازاقستاندا 17 وبلىس بار.

Abai.kz