قازاقستانداعى قانت باعاسىنىڭ ءوسۋى ونىڭ الەمدىك نارىقتاعى قۇنىنا بايلانىستى. بۇل تۋرالى اۋىل شارۋاشىلىعى ءمينيسترى ەربول قاراشوكەەۆ ايتتى.

“ماسەلەن، قۇراق قانتتىڭ باعاسى لوندوننىڭ بيرجاسىندا، ال قانتتىڭ باعاسى بولسا نيۋ-يورك بيرجاسىندا انىقتالادى. قانتتىڭ قۇنى بيرجاداعى ساۋداعا تىكەلەي بايلانىستى. باعانىڭ ءوسۋى - الەمدىك ءۇردىس بولىپ تۇر. سول ءۇشىن، بىزدەگى باعا دا ءوستى”، - دەدى ول.

ستاتيستيكا بويىنشا سوڭعى ءبىر جىل ىشىندە قازاقستاندا قانتتىڭ باعاسى 60,5%-عا وسكەن.

2012 جىلى ەلىمىزگە شەتەلدەن 506,9 ميلليون توننا قانت پەن شيكى قانت اكەلىنسە، ونىڭ ىشىندە 275,8 ميلليون تونناسى رەسەيدەن يمپورتتالعان.

رەسەي ۋكرايناعا سوعىس اشقان سوڭ، باتىس ەلدەرىنىڭ سانكتسياسىنىڭ استىندا قالدى. سول سەبەپتەن، رەسەي ساتىلىمعا شىعاراتىن ازىق-تۇلىكتەردىڭ كەيبىر تۇرلەرىن جانە قانتتى ەسپورتتاۋدى شەكتەدى. وسىنىڭ اسەرىنەن ەلىمىزدىڭ كوپتەگەن وڭىرىندە قانتتىڭ باعاسى شارىقتاپ كەتتى.

Abai.kz