Freedom House حالىقارالىق ۇيىمى قازاقستان بيلىگىنەن ساياساتكەر جانبولات مامايدى بوساتۋدى سۇرادى.

«Freedom House ۇيىمى جانبولات مامايعا قاڭتاردا وتكەن بەيبىت نارازىلىق اكتسياسى ءۇشىن جاڭا ايىپتار تاعىلىپ، قازاقستان ۇكىمەتىنىڭ ەلدەگى نەگىزگى قۇقىقتاردى قۇرمەتتەيتىن «جاڭا قازاقستاندى» قۇرۋ جونىندەگى مىندەتتەمەسىنە كۇمان كەلتىرەتىنىنە الاڭدايدى. 8 ماۋسىمدا جانبولات ماماي قاڭتارداعى تارتىپسىزدىكتەردەن كەيىن وزىنە تاعىلعان «جاپپاي تارتىپسىزدىكتەر ۇيىمداستىردى» جانە «جالعان اقپارات تاراتتى» دەگەن ايىپتاردى جوققا شىعاردى»، - دەلىنگەن حابارلامادا.

سونداي-اق ، حالىقارالىق ۇيىم مامايعا تاعىلعان ايىپتاردىڭ بارلىعىن الىپ تاستاۋدى سۇراعان.

«ەگەر كىنالى دەپ تانىلسا، ماماي ءوز قۇقىعىن پايدالانعانى ءۇشىن 10 جىلعا دەيىن باس بوستاندىعىنان ايىرىلۋى مۇمكىن. Freedom House ۇيىمى مامايدى بوساتۋعا (ەگەر ول ءالى قاماۋدا بولسا) جانە وعان تاعىلعان ايىپتاردى الىپ تاستاۋعا شاقىرادى»، - دەپ حابارلادى ۇيىم.

ايتا كەتەيىك، جانبولات ماماي بيىلعى 26 اقپاننان بەرى قاماۋدا جاتىر. 6  مامىردا سوت ونىڭ قاماۋ مەرزىمىن 12 ماۋسىمعا دەيىن ۇزارتقان. 8 ماۋسىمدا مامايدىڭ تەرگەۋ يزولياتورىنان جازعان حاتى الەۋمەتتىك جەلىدا جاريالاندى. وندا بەلسەندى وزىنە قوسىمشا تاعى ەكى ايىپتىڭ تاعىلعانىن ايتقان.

Abai.kz