قازاقستان پرەزيدەنتى قاسىم-جومارت توقاەۆ "قر قارجى تۇراقتىلىعىن قامتاماسىز ەتۋ تۋرالى" جارلىعىنا وزگەرىس ەنگىزدى. سوعان سايكەس، ۇلتتىق بانك پەن ونىڭ قۇرىلىمدارى قازاقستاننان 10 مىڭ دوللاردان اساتىن قولما-قول شەتەل ۆاليۋتاسىن ەلدەن شىعارۋعا مۇمكىندىك بەرەدى.

پرەزيدەنت 2022 جىلعى 14 ناۋرىزدا شىعارعان جارلىعىن وزگەرتتى. ەندى شەتەل ۆاليۋتاسىن عانا ەمەس، 5, 10, 20, 50 ي 100 گرامم تازارتىلعان التىن قۇيمالارىن، Altyn Barys جانە Kumys Barys ينۆەستيتسيا مونەتالارىن سىرتقى شىعارۋعا بولادى.

قازاقستاننان شەتەل ۆاليۋتاسى مەن التىن شىعارۋعا تىيىم سالاتىن جارلىق 2022 جىلعى ناۋرىزدا، رەسەي ۋكراينادا سوعىس اشقان سوڭ قابىلدانعان. قۇجات 10 مىڭ دوللاردان اساتىن قولما-قول شەتەل ۆاليۋتاسىن سىرتقى شىعارۋعا تىيىم سالدى. ۇلتتىق بانك قارجى مەكەمەسىنىڭ قورىن ساقتاۋ ماقساتىندا وسىنداي شەشىم قابىلداندى دەپ مالىمدەدى.

ناۋرىزدىڭ باسىندا ەلدەگى كوممەرتسيالىق بانكتەردىڭ كەيبىرى دوللار دەپوزيتتەرىنە شەكتەۋ قويعانى ءمالىم بولدى. نۇر-سۇلتان مەن الماتىداعى ۆاليۋتا ايىرباستاۋ پۋنكتەرىندە قولما-قول دوللار تابىلمادى.

Abai.kz