گەرمانيانىڭ 47 جاستاعى ازاماتى ابدۋلۆاحاب كايۋميدى ولتىرۋگە قاتىسى بار بەس ادام سوتتالدى. اۋعان تۋماسى سامارقاند وبلىسى جامباي ادانىندا كاسىپپەن اينالىسقان.

Sevimli تەلەارناسىنىڭ حابارلاۋىنشا، مارقۇمنىڭ جەسىرى نەزاحات كايۋمي سوتقا قاتىسۋ ءۇشىن گەرمانيادان كەلدى. ول وزبەكستان كۇيەۋىنىڭ ەكىنشى وتانىنا اينالعانىن ايتتى. ول ايەلىن وسى ەلگە كوشۋگە ۇگىتتەگەن. "كاسىپپەن اينالىسا باستاعالى بەرى گەرمانياعا كوپ كەلمەيتىن بولدى", - دەيدى ول.

تەلەارنا مالىمەتىنشە، اۋداننىڭ بەس تۇرعىنى كايۋمي جالعا العان ۇيگە ماسكامەن كىرگەن. ولار ۇيدەگى جارىقتى، باقىلاۋ كامەراسىن ءسوندىرىپ، نەمىس ازاماتىنا شابۋىلداعان. ايىپتالۋشىلار اعاشپەن، تەمىرمەن كاسىپكەردى ساباعان، ونىڭ اياق-قولىن سىندىرعان. جابىرلەنۋشى اۋرۋحانادا جان تاپسىردى.

تاكسيشى بولىپ ىستەيتىن ايىپتالۋشىلاردىڭ ءبىرى كاسىپكەردىڭ ۇيىنەن اۋدان جاستارىن ۋلاعان ەسىرتكىنى ۇرلاعىمىز كەلدى دەپ اقتالۋعا تىرىسقان.

ەندى ءبىر ايىپتالۋشى نەمىس ازاماتىنىڭ ۇيىنە ەلەكتر جەلىسىن جوندەۋ ءۇشىن شاقىرىلعان. سول كەزدە ول كاسىپكەردىڭ اقشاسى بار ەكەنىن بايقاعان، ۇرلىق جاساۋ ءۇشىن تاعى ءتورت ادام شاقىرعان. الايدا ولار ۇيدەن اقشا تاپپاعان.

جامباي اۋدانىنىڭ سوتى قىلمىستىق توپ باسشىسىن 19 جىلعا، ونىڭ ءۇش سىبايلاسىن 16−18 جىلعا سوتتادى. قىلمىسكەرلەردى كاسىپكەر ۇيىنە دەيىن جەتكىزگەن تاكسيشى 13 جىل تۇرمەدە وتىرادى.

Abai.kz