اتىراۋ وبلىسى اكىمىنىڭ ەكس-ورىنباسارى باقىتگۇل حامەنوۆاعا قاتىستى العاشقى سوت وتىرىسى شەگەرىلدى، - دەپ حابارلايدى elitar.kz. 

بۇعان دەيىن وبلىستىق سوتتىڭ ءباسپاسوز قىزمەتى وكىلى قىلمىستىق ءىس اتىراۋ قالالىق № 2 سوتىنا تۇسكەنىن ايتقان ەدى. العاشقى سوت وتىرىسى 14 ماۋسىمعا بەلگىلەنگەن بولاتىن.

ء"ىستى قارايتىن سۋديا وزگە قىلمىستىق ءىس بويىنشا كەڭەسۋ بولمەسىنە كەتۋىنە بايلانىستى، باسقا كۇنگە اۋىستىرىلدى", - دەدى سوتتىڭ ءباسپاسوز قىزمەتى وكىلى.

ايتا كەتەيىك، ەكس-شەنەۋنىك "پارا الدى" دەگەن كۇدىككە ءىلىنىپ، تەرگەۋ اباقتىسىنا قامالعان ەدى. باقىتگۇل حامەنوۆامەن بىرگە مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اكىلبەك رىسقاليەۆ تا قاماۋدا وتىر.

Abai.kz