«كوۆيدكە قارسى ەمدەلەتىن اۋرۋحانالار سالعان BI Group ەندى انتيكوردىڭ سۇراقتارىنا جاۋاپ بەرەدى. قارجى مينيسترلىگىنىڭ اۋديتورلارى ميلليونەر ايدىن راحيمباەۆتىڭ كومپانياسىن تەكسەرىپ، بەس اۋرۋحانا بويىنشا قارجى بۇزۋشىلىعىن انىقتادى»،- دەپ جازدى Protenge تەلەگرام ارناسى.

پاندەميا كەزىندە كاسىپكەر ايدىن راحىمباەۆتىڭ كومپانياسى رەسپۋبليكا بويىنشا اۋرۋحانالار سالعان. وعان ۇكىمەت 74 ملرد تەڭگە بولگەن بولاتىن.

ارنانىڭ جازۋىنشا، راحىمباەۆ كومپانياسىن تەكسەرگەن ەسەپ كوميتەتى، BI Group بيۋدجەتتىڭ قارجىسىنا اۋرۋحانالار مەن مەكتەپتەر سالىپ، قۇرىلىسقا كەتكەن شىعىندى كوتەرىپ ايتقان.

«بيۋدجەتكە الماتىداعى كوۆيدتى ەمدەۋگە ارنالعان ءمودۋلدى اۋرۋحانا قۇرىلىسىنا 573 ملن تەڭگەگە ارتىق قاراجات بولىنگەن. سەبەبى وسى جوبامەن اينالىسقان BI Group-تىڭ «ەنشىلەس كومپانياسى» «سمەتاعا» كوبىرەك اقشا الىپ قويعان.

سونىمەن قاتار، 2020 جىلى BI Group-تىڭ "ەنشىلەسى" ءبىر ءمودۋلدىڭ قۇنىن 14,4 ملن تەڭگە (جەتكىزۋ مەن قۇراستىرۋدى ەسكەرە وتىرىپ) دەپ كورسەتكەنى انىقتالدى. بيىل زاۋىتتار مۇنداي مودۋلدەردى 2,9 ملن تەڭگەدەن ساتادى، ياعني 2020 جىلعى باعادان بىرنەشە ەسە تومەن.

BINOM Schools ەستەرىڭىزدە مە؟ ولاردى دا BI Group مەملەكەتپەن بىرگە سالىپ جاتىر. باستاپقىدا ءبىر مەكتەپتىڭ قۇرىلىسى 4,9 ملرد تەڭگە بولاتىن. بىراق ەسەپ كوميتەتى انىقتاعانداي، ولار بيۋدجەت كودەكسىن بۇزىپ، باعاسىن كوتەرگەن. سوندا ءبىر مەكتەپتىڭ قۇنى 63% - عا ، ياعني 7,9 ملرد تەڭگەگە دەيىن كوتەرگەن.

راحىمباەۆ پەن مەملەكەتتىڭ بىرگە سالىپ جاتقان  التى مەكتەبىنىڭ قۇنى- 47,24 ملرد تەڭگە تۇرادى»،-دەپ جازدى تەلەگرام ارنا.

Abai.kz