رەسەي ەۋرازيالىق وداقتىڭ اۆتونارىعىن قورعاۋ ءۇشىن ەرا-گلوناسس(ەۆاك) دەگەن جۇيەنى ويلاپ تاۋىپ ەنگىزدى.

بۇل جۇيە كولىك اپاتقا تۇسكەن جاعدايدا قۇتقارۋ قىزمەتىنە دابىل جىبەرۋ ماقساتىندا جاسالعان.

رەسەيگە سانكتسيا سالىنعالى، رەسەي بۇل قۇرىلعى دەتالدارىن ساتىپ الىپ ورناتا المايتىندىقتان، مامىر ايىنىن باستاپ اتالعان جۇيەدەن بىرجاقتى تارتىپپەن باستارتتى.

ءبىر قىزىعى ەرا-گلوناسس باتىرماسى بۇعان دەيىن وداقتىڭ ەكى ەلىندە عانا تالاپ ەتىلگەن. قازاقستاندا جانە رەسەيدە. ارمەنيا، قىرعىزستاندا جۇمىس ىستەمەسە، بەلورۋسسيادا ورناتىڭدار دەگەن ەرەجە جوق ەكەن.

ال قازاقستان بۇل جۇيەنىڭ قۇربانى رەتىندە باستارتايىق دەپ ەۋرازيالىق وداق كوميسسياسىنا ماۋسىم ايىندا ءوتىنىش ايتىپتى.

بىزدىكىلەر رەسەي بيلىگى رەنجىپ قالار دەپ بۇل جۇيەدەن بىرجاقتى باستارتۋعا قورقىپ جۇرگەن سياقتى. ازىرگە بۇل شەتەلدەن جاقسى كولىك اكەلىپ مىنەمىن دەگەندەردىڭ عانا باس پروبلەماسىنا اينالعان.

2019 جىلدان بەرى ەۋرازيالىق وداقتىڭ اۋماعىندا ەۋرو-5 ستاندارتى بەكىتىلدى. وعان سايكەس ەكولوگيالىق جانە قاۋىپسىزدىك بويىنشا اۆتوكولىككە جوعارى ستاندارت تالاپتارى قويىلادى.

سانكتسيادان كەيىن رەسەي بيلىگى ەۋرو-5 ستاندارتىن ۇستاپ تۇرا المايتىندىقتان، وزدەرىندە وندىرىلەتىن كولىكتەرگە ەۋرو-2 ستاندارت تالاپتارىن بەكىتتى. ول دەگەنىمىز اۆتوكولىك قازىرگى زامانعى ەكولوگيالىق ءارى قاۋىپسىزدىك تالاپتارىنا ساي كەلمەيدى.

جوعارىداعى تەندەنتسيانى ەسكەرە وتىرىپ رەسەيدە شىعارىلاتىن كولىكتەر ءبىزدىڭ ەلدە ساتىلۋى ءۇشىن، ءبىز دە ەۋرو-2 ستاندارتىنا ءتۇسىپ جاتساق، تاڭقالماڭىزدار. كورشىڭ سوقىر بولسا، ءبىر كوزىڭدى قىسىپ ءجۇر دەگەن بار.

ابزال دوسىم

Abai.kz