قازاقستان پرەزيدەنتى نۇرسۇلتان نازارباەۆ "ەكسپو-2017" حالىقارالىق مامانداندىرىلعان كورمەسىن وتكىزۋ قۇقىعىنا داۋىس بەرۋدىڭ قورىتىندىسى بويىنشا قازاقستاندىقتارعا ءسوز ارنادى.
حالىقارالىق كورمەلەر بيۋروسىنىڭ 152-ءشى باس اسسامبلەياسىندا جابىق داۋىس بەرۋدىڭ ناتيجەسىندە قازاقستاننىڭ ەلورداسى كوپ داۋىس يەلەنىپ، بەلگيانىڭ لەج قالاسىن باسىپ وزدى جانە «ەكسپو-2017» حالىقارالىق كورمەسى وتەتىن قالا بولىپ جاريالاندى.
مەملەكەت باسشىسى ءوز سوزىندە «ەكسپو-2017» كورمەسىن استانادا وتكىزۋ تۋرالى شەشىم تاريحي وقيعا بولىپ سانالاتىنىن اتاپ كورسەتتى.
- «ەكسپو» كورمەلەرىندە الەمنىڭ بارلىق مەملەكەتى وزدەرىنىڭ ەڭ ۇزدىك تەحنولوگيالىق، عىلىمي، مادەني جەتىستىكتەرىن كورسەتەدى. ولار جاھاندىق دامۋدىڭ جاڭا كۇن ءتارتىبىن قالىپتاستىرادى. مۇنداي ءىس-شاراعا بارلىق قۇرلىقتىڭ ونداعان ەلىنەن ميلليونداعان ادام قاتىسادى. ءباسى بيىك باسەكەدە استانانىڭ جەڭىپ شىعۋى بەكەردەن بەكەر ەمەس. بىرىنشىدەن، ەلوردامىزدىڭ الەمدىك دەڭگەيدەگى شارانى لايىقتى وتكىزە الاتىن ورتالىق رەتىندە قالىپتاسقانى بارشاعا بەلگىلى بولدى. ەكىنشىدەن،  تاڭداۋدىڭ قازاقستان پايداسىنا شەشىلۋى مەملەكەتىمىزدىڭ تابىستارى جوعارى باعالانعانىن بىلدىرەدى جانە ەۋرازيا وڭىرىندە دە ونىڭ دامۋ كەلەشەگى كەمەل ەكەنىن ايعاقتاي تۇسەدى. ۇشىنشىدەن، ءبىزدىڭ «بولاشاقتىڭ ەنەرگياسى» اتتى وزەكتى تاقىرىپتى ۇسىنۋىمىز جەڭىسكە جەتۋىمىزگە كومەكتەستى. ەڭ باستىسى، استانانى تاڭداۋى - قازاقستاننىڭ بارشا حالقىنىڭ كۇش-جىگەرىنىڭ ناقتى جەمىسى، - دەدى قازاقستان پرەزيدەنتى.

قازاقستان پرەزيدەنتى نۇرسۇلتان نازارباەۆ "ەكسپو-2017" حالىقارالىق مامانداندىرىلعان كورمەسىن وتكىزۋ قۇقىعىنا داۋىس بەرۋدىڭ قورىتىندىسى بويىنشا قازاقستاندىقتارعا ءسوز ارنادى.
حالىقارالىق كورمەلەر بيۋروسىنىڭ 152-ءشى باس اسسامبلەياسىندا جابىق داۋىس بەرۋدىڭ ناتيجەسىندە قازاقستاننىڭ ەلورداسى كوپ داۋىس يەلەنىپ، بەلگيانىڭ لەج قالاسىن باسىپ وزدى جانە «ەكسپو-2017» حالىقارالىق كورمەسى وتەتىن قالا بولىپ جاريالاندى.
مەملەكەت باسشىسى ءوز سوزىندە «ەكسپو-2017» كورمەسىن استانادا وتكىزۋ تۋرالى شەشىم تاريحي وقيعا بولىپ سانالاتىنىن اتاپ كورسەتتى.
- «ەكسپو» كورمەلەرىندە الەمنىڭ بارلىق مەملەكەتى وزدەرىنىڭ ەڭ ۇزدىك تەحنولوگيالىق، عىلىمي، مادەني جەتىستىكتەرىن كورسەتەدى. ولار جاھاندىق دامۋدىڭ جاڭا كۇن ءتارتىبىن قالىپتاستىرادى. مۇنداي ءىس-شاراعا بارلىق قۇرلىقتىڭ ونداعان ەلىنەن ميلليونداعان ادام قاتىسادى. ءباسى بيىك باسەكەدە استانانىڭ جەڭىپ شىعۋى بەكەردەن بەكەر ەمەس. بىرىنشىدەن، ەلوردامىزدىڭ الەمدىك دەڭگەيدەگى شارانى لايىقتى وتكىزە الاتىن ورتالىق رەتىندە قالىپتاسقانى بارشاعا بەلگىلى بولدى. ەكىنشىدەن،  تاڭداۋدىڭ قازاقستان پايداسىنا شەشىلۋى مەملەكەتىمىزدىڭ تابىستارى جوعارى باعالانعانىن بىلدىرەدى جانە ەۋرازيا وڭىرىندە دە ونىڭ دامۋ كەلەشەگى كەمەل ەكەنىن ايعاقتاي تۇسەدى. ۇشىنشىدەن، ءبىزدىڭ «بولاشاقتىڭ ەنەرگياسى» اتتى وزەكتى تاقىرىپتى ۇسىنۋىمىز جەڭىسكە جەتۋىمىزگە كومەكتەستى. ەڭ باستىسى، استانانى تاڭداۋى - قازاقستاننىڭ بارشا حالقىنىڭ كۇش-جىگەرىنىڭ ناقتى جەمىسى، - دەدى قازاقستان پرەزيدەنتى.
وسىعان بايلانىستى نۇرسۇلتان نازارباەۆ بارشا قازاقستاندىقتاردى جەڭىسپەن قۇتتىقتادى.
- ەندى ءبىزدىڭ الدىمىزدا «ەكسپو-2017» كورمەسىن لايىقتى دەڭگەيدە وتكىزۋ مىندەتى تۇر. بۇل ەلىمىز ءۇشىن ەمتيحان عانا ەمەس، كورمە ءبىزدىڭ جاسامپاز الەۋەتىمىزدى اشۋعا مۇمكىندىك بەرەدى. استانادا «ەكسپو» كورمەسىن وتكىزۋ رەسپۋبليكامىزدىڭ يننوۆاتسيالىق دامۋىنا سەرپىن بەرەدى، - دەپ اتاپ ءوتتى مەملەكەت باسشىسى.
قازاقستان پرەزيدەنتى ەلىمىز وسى جاۋاپتى ميسسيانى اتقارىپ شىعاتىنىنا سەنىم ءبىلدىردى.
كوپ جىلعى تاريحى بار «ەكسپو» كورمەسى تەحنيكالىق جانە تەحنولوگيالىق جەتىستىكتەردى، سونداي-اق وعان مۇشە ەلدەردىڭ تاريحىن، ءداستۇرى مەن مادەنيەتىن كورسەتۋ ءۇشىن وتكىزىلەدى.
بۇل كورمە بۇكىل الەمدىك قوعامداستىقتىڭ جانە ونى تاماشالاۋشى ميلليونداعان ادامنىڭ نازارىن وزىنە اۋداراتىن ءىرى وقيعا بولىپ سانالادى. سونىمەن قاتار، «ەكسپو» كورمەسى ەكونوميكالىق، الەۋمەتتىك، مادەني دامۋدىڭ جاڭا ۇردىستەرىن قالىپتاستىرۋ الاڭى قىزمەتىن اتقارادى.
www.akorda.kz

پاريج. 22 قاراشا.
حالىقارالىق كورمەلەر بيۋروسىنىڭ 161 مۇشە-مەملەكەتتەرى وكىلدەرىنىڭ جاسىرىن داۋىس بەرۋى بارىسىندا اسەم استانا بەلگيالىق لەج قالاسىن باسىپ وزىپ، ەحرو-2017  حالىقارالىق مامانداندىرىلعان كورمەسىن وتكىزۋ استاناسى بولىپ تاڭدالدى.
استانانىڭ ءوتىنىمىن حالىقارالىق كورمەلەر بيۋروسىنىڭ 103 قاتىسۋشى-ەلى قولدادى، 44-ءى - «قارسى» داۋىس بەردى.
2017 جىلى ەحرو مامانداندىرىلعان كورمەسىن وتكىزۋ قۇقىعىنىڭ فينالدىق كەزەڭىندە قازاقستان ەلورداسى - استانامەن بىرگە بەلگيالىق لەج قالاسى ۇمىتكەر بولدى. بەلگيا ءوزىنىڭ وتىنىمىندە «ادامداردى بىرىكتىرە وتىرىپ» دەگەن تاقىرىپ ۇسىندى. قازاقستان ەلورداسى ۇسىنعان تاقىرىپ - «بولاشاقتىڭ ەنەرگياسى» - ەنەرگيانىڭ بالامالى كوزدەرىنە جانە «جاسىل» تەحنولوگيالارعا ارنالعان.
استاناداعى ەحرو-2017 ورتالىق ازيا ايماعى مەن تمد ەلدەرىندە وتكىزىلگەلى وتىرعان العاشقى حالىقارالىق كورمە بولماق. استاناداعى ەحرو كورمەسى 3 ايعا - 2017 جىلعى 10 ماۋسىمنان 10 قىركۇيەككە دەيىن سوزىلادى. وعان الەمنىڭ 100-گە تارتا ەلى جانە 10-عا جۋىق حالىقارالىق ۇيىمدار قاتىسادى دەپ كۇتىلۋدە. كورمەگە 5 ميلليوننان استام ادام كەلەدى. بۇل قازاقستاننىڭ حالىقارالىق ىلگەرى جىلجۋى جولىنداعى ۇلكەن قادام بولماق. ەحرو-2017-ءنى وتكىزۋ ەلوردانىڭ، سونداي-اق تۇتاستاي العاندا رەسپۋبليكانىڭ ەكونوميكالىق جانە ينفراقۇرىلىمدىق دامۋىن قوسىمشا ىنتالاندىرۋعا قىزمەت ەتەتىن بولادى.
ەلوردانىنىڭ جانە ونىڭ ماڭىنداعى ايماقتاردىڭ شاعىن جانە ورتا بيزنەسىنىڭ دامۋى ەرەكشە سەرپىن الادى، ەڭ الدىمەن، حالىققا قىزمەت كورسەتۋ، قوناق ءۇي بيزنەسى جانە ىشكى تۋريزم سالالارىنىڭ ۇتارى مول. بۇل شارا ەلوردانىڭ كورمە نىساندارى مەن ينفراقۇرىلىمى قۇرىلىسىنا ەلەۋلى كولەمدە جەكە ينۆەستيتسيالار تارتۋعا، ولارعا قىزمەت كورسەتۋگە ونداعان مىڭ جۇمىس ورىندارىن قۇرۋعا، ىشكى ءتۋريزمدى دامىتۋعا جانە ەلگە شەتەلدىك تۋريستەر اعىنىن ۇلعايتۋعا، قازاقستاننىڭ ەكونوميكالىق جانە الەۋمەتتىك رەسۋرستارىن شوعىرلاندىرۋعا مۇمكىندىك بەرەدى.
كورمەلەر نىساندارى قۇرىلىسىنا ينۆەستيتسيالار تارتۋدان باسقا كۇتىلەتىن ەكونوميكالىق تيىمدىلىك مىنادا: ەحرو اۋقىمىندا سالىناتىن نىساندار بولاشاقتا قازاقستاندى جانە ونىڭ استاناسىن ءىرى حالىقارالىق، كورمە جانە اقپاراتتىق-تانىستىرىلىمدىق الاڭ رەتىندە قاراستىرۋعا مۇمكىندىك بەرەدى.
كورمە الەمدى قازاقستاندىقتاردىڭ كوپۇلتتى مادەنيەتىمەن، ەجەلگى تاريحىمەن، ونەرىمەن، داستۇرلەرىمەن، قوناقجايلىلىعىمەن تانىستىرادى، الەمدىك قوعامداستىقتىڭ الدىندا قازاقستاننىڭ تۋريستىك تارتىمدىلىعىن جانە تانىمالدىعىن ارتتىرادى.
ەلوردانىڭ مادەني دامۋىنىڭ دا ماڭىزى زور. ەحرو وتكىزۋ كەزىندە استانادا الەمنىڭ تۇپكىر-تۇپكىرىنەن ءارتۇرلى مادەنيەتتەر ءۇنى شىرقالادى. كورمە اۋماعىندا كۇن سايىن كونتسەرتتەر، ۇلتتىق كۇندەر جانە باسقا دا ويىن-ساۋىق شارالارى وتكىزىلەدى.
ەحرو-2017 ءىرى كوممەرتسيالىق ەمەس جوبا، ول ايماقتىڭ جانە تۇتاستاي العاندا ەلدىڭ دامۋىنىڭ قۋاتتى كاتاليزاتورى بولماق. قۇرىلىسقا، تۋريستىك ينفراقۇرىلىمعا، قوناق ءۇي بيزنەسىنە سالىناتىن ينفەستيتسيادان تۇسەتىن كىرىستى بىلاي قويعاندا، كورمەنىڭ زياتكەرلىك مۇراسى قازاقستاندى جاڭا دەڭگەيگە كوتەرەتىن بولادى.  اسەم استانانىڭ ودان ءارى قارىشتاپ وسۋىنە جانە بۇرىنعىدان دا ءورشىل ماقساتتارىن جۇزەگە اسىرۋعا جاڭا سەرپىن الادى. ال قازاقستاندىقتار ءوز كۇشتەرىنە جانە ءوز ەلىنىڭ مۇمكىندىكتەرىنە تاعى دا كوز جەتكىزە الادى.
«قازاقپارات» اگەنتتىگى