بيىل رايىمبەك باتىر كەسەنەسى جاڭارتىلادى. بۇل تۋرالى الماتى قالاسى اكىمى ەربولات دوساەۆ ءمالىم ەتتى، دەپ حابارلايدى Abai.kz سايتى قازاقپاراتقا سىلتەمە جاساپ.

رەسمي دەرەكتەرگە سۇيەنسەك، بۇگىنگى كۇنى المالى اۋدانىندا 45 مادەني-دەمالىس نىسانى مەن 53 تاريح جانە مادەنيەت ەسكەرتكىشى بار.

«بيىل ماۋلەنوۆ كوشەسىندە جاڭا كىتاپحانانى اشتىق، وندا كوۆوركينگ ايماعى مەن بالالاردى دامىتۋ ورتالىعى جۇمىس ىستەيدى. وسىلايشا، اۋدان كىتاپحانالارىنىڭ جالپى سانى 8-گە جەتتى. اۋدان كىتاپحانالارى 10 پارك پەن سكۆەرلەردە بالالار مەن جاسوسپىرىمدەرگە ارنالعان ويىن-ساۋىق باعدارلامالارى بار «جارقىن جاز» ماۋسىمدىق جوباسىن ىسكە اسىرىپ جاتىر»، – دەدى قالا اكىمى ەربولات دوساەۆ.

سونىمەن قاتار، ول بيىل رايىمبەك باتىر كەسەنەسى جاڭارتىلاتىنىن اتاپ ءوتتى. جوندەۋ جۇمىستارى 2023 جىلى اياقتالادى.

Abai.kz