قاسىم-جومارت توقاەۆ قازاقستان پوليتسياسىنىڭ 30 جىلدىعىنا ارنالعان سالتاناتتى جيىندا سويلەگەن سوزىندە ەلباسى نۇرسۇلتان نازارباەۆتىڭ تاريحي رولىنە توقتالدى.

"ەلىنىڭ دامۋىنا لايىقتى ۇلەس قوسقان قوعامدىق-ساياسي كوشباسشىلارىن، عىلىم جانە مادەنيەت قايراتكەرلەرىن قادىر تۇتپايتىن حالىقتىڭ كەلەشەگى دە بۇلىڭعىر بولماق. ءبىز، قازاق حالقى، ساياسي تۇلعالارىمىزدىڭ ەڭبەگىنە قۇرمەتپەن، پاراساتتىلىقپەن قاراۋىمىز قاجەت. بۇل – قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ تۇلعاسىنا دا قاتىستى اقيقات.

ونىڭ تاۋەلسىز ەلىمىزدى قۇرۋ ىسىنە سىڭىرگەن ەڭبەگىن بۇكىل الەم قاۋىمداستىعى مويىندادى. سوندىقتان تۇڭعىش پرەزيدەنتتىڭ تاريحي رولىنە قۇرمەتپەن قاراۋ – بارىمىزگە ورتاق مىندەت. ونىڭ ساياسي مۇراسىنا كەلەشەك ۇرپاق ادىلەتتى باعاسىن بەرمەك. ال، قازىرگى ۇرپاق وكىلدەرى ەلىمىز ءۇشىن تاباندى جۇمىس ىستەۋى كەرەك.

ءبىز ءبارىمىز حالىق رەتىندە، ەڭ الدىمەن، ەڭبەكقور بولۋىمىز قاجەت. ساياسي ويىندارعا توسقاۋىل قويعان ءجون. ءبىز وتكەنگە جالتاقتاماي، جارقىن بولاشاعىمىزعا زور سەنىممەن قادام باسۋىمىز كەرەك", – دەدى مەملەكەت باسشىسى.

Abai.kz