ماسكەۋدىڭ يزمايلوۆسك اۋداندىق القابيلەر سوتى كوللەگياسى داعىستان ۇكىمەتىنىڭ بۇرىنعى توراعاسىنىڭ ۇلى ءمۇرتازالي مەدجيدوۆتىڭ ۇلىن كىنالى دەپ تانىدى.

ول ماسكەۋ مەملەكەتتىك حالىقارالىق قاتىناستار ينستيتۋتىنىڭ ستۋدەنتى، قازاقستان ازاماتى توميريس بايسافانى ءولتىردى دەگەن كۇدىككە ىلىنگەن. سوت مەدجيدوۆتى 13 جىلعا بوستاندىعىنان ايىردى.

بۇل اقپاراتتى ماسكەۋ قالالىق سوتىنا سىلتەمە جاساعان ماسكەۋ قالالىق جاڭالىقتار اگەنتتىگى حابارلادى.

2018 جىلى توميريس بايسافانى ءوزى وقيتىن وقۋ ورنى عيماراتىنان قۇلاعان. كوپ ۇزاماي جاراقاتىنان اۋرۋحانادا قايتىس بولعان. كۋاگەرلەر سوزىنشە، ونىڭ ولىمىنە مەدجيدوۆپەن اراداعى كونفليكت سەبەپ بولعان. مەدجيدوۆكە باستاپقىدا "كىسى ولىمىنە دەيىن جەتكىزدى" دەگەن ايىپ تاعىلىپ، كەيىن ونى "كىسى ءولتىردى" دەگەن باپقا اۋىستىرعان. پروكۋراتۋرا سوزىنە قاراعاندا، مەدۆەدوۆ ونى اۋەلى ۇرىپ-سوعىپ، سودان سوڭ تەرەزەدەن يتەرىپ جىبەرگەن.

2021 جىلى ماۋسىمدا ماسكەۋدىڭ نيكۋلينسك سوتى مەدجيدوۆتى اقتاپ العان. قاراشا ايىندا ماسكەۋ قالالىق سوتى ءىستى قايتا قاراۋعا جىبەرگەن. بيىل قاڭتاردا پروەكۋراتۋرا ءىستى يزمايلوۆسك سوتىنا جىبەرگەن، ويتكەنى نيكۋلينسك سوتىنىڭ ءىستى قايتا قاراعاندا وبەكتيۆتى شەشىم شىعاراتىنىنا كۇماندانعان، دەپ جازادى كاۆكاز.رەالي سايتى.

مۇحتار مەدجيدوۆ داعىستان ۇكىمەتىن 2013 جىلدىڭ قاڭتار-شىلدە ايلارىندا باسقارعان. وعان دەيىن ۆيتسە-پرەمەر جانە ايماقتاعى زاڭ شىعارۋ وكىلدىگىنىڭ دەپۋتاتى بولعان. 2020 جىلى رەسەي قورعانىس مينيسترلىگىنىڭ مۇلكىن "جىمقىردى" دەگەن ايىپپەن قاماۋعا الىنعان.

Abai.kz