قازاقستاندا تىركەلمەگەن دەموكراتيالىق پارتيا جەتەكشىسى جانبولات مامايدىڭ ايەلى، بەلسەندى ينگا يمانباي تەلەفونىندا تىڭشىلىق جاساۋعا ارنالعان Hermit باعدارلاماسى تابىلعانىن حابارلادى. Lookout Threat Lab زەرتتەۋشىلەرىنىڭ مالىمەتىنشە، ۆيرۋستىڭ مۇنداي ءتۇرىن قازاقستان بيلىگى قولدانعان.

"بيلىك مەنى يتاليالىق قىمبات تىڭشىلىق باعدارلاماسىنىڭ كومەگىمەن اڭدىپ ءجۇر. Lookout تىڭشىلىققا قارسى باعدارلاماسى تەلەفونىمنان Hermit ۆيرۋسىن تاپتى. ءيۋىزدىڭ قىلمىسكەر ەمەس ەكەنىمىزگە كوزدەرىڭ ەندى جەتكەن شىعار؟ سولاي ما؟ سوڭىمىزعا بەس كولىك تۇسكەنى ازداي، ەندى تەلەفونعا تاۋلىك بويى تىڭشىلىق ورناتتىڭدار. ولاي بولسا، ءبىزدىڭ قىلمىسكەر ەمەس ەكەنىمىزدى مويىنداڭدار - جانبولاتتى بوساتىڭدار!" — دەپ جازدى. ينگا يمانباي Facebook-تەگى پاراعىنا.

16 ماۋسىمدا Lookout Threat Lab كيبەرقاۋىپسىزدىك جونىندەگى زەرتتەۋ توبى قازاقستان ۇكىمەتى ەل ىشىندە تىڭشىلىق جاسايتىن Android-باعدارلاما قولداناتىنىن مالىمدەگەن. ۇيىم مالىمەتىنشە، باعدارلامانىڭ سوڭعى نۇسقاسى قاڭتار وقيعاسىنان ءۇش ايدان سوڭ - بيىل ءساۋىر ايىندا انىقتالعان.

"Hermit قازاقستانعا باعىتتالىپ قانا قويماي، مۇنداي ناۋقاننىڭ ارتىندا ۇلتتىق ۇكىمەت تۇرعانىن انىقتادىق", — دەلىنگەن Lookout Threat Lab ەسەبىندە.

قازاقستان بيلىگى Lookout Threat Lab زەرتتەۋى مەن ينگي يمانباي مالىمدەمەسىنە ازىرگە جاۋاپ قاتپادى.

مالىمەتتەرگە قاراعاندا، تىڭشىلىق جاسايتىن مۇنداي باعدارلاما قازاقستاندا عانا ەمەس، سيريا، پاكىستان، چيلي، موڭعوليا، بانگلادەش، ۆەتنام، ميانما جانە تۇركىمەنستاندا دا قولدانىلعان.

Abai.kz