"ۇلكەن جەتىلىك" (G7) ەلدەرىنىڭ ليدەرلەرى ينفلياتسيا ءوسىپ، ەكونوميكالىق دامۋ باياۋلاعان تۇستا، عالامدىق داعدارىس ورىن الادى ما دەپ الاڭدايدى. وسىلاي دەپ گەرمانيا كانتسلەرى ولاف شولتس G7 ءسامميتى اياسىندا مالىمدەدى. 

"ۇلكەن جەتىلىك" ەلدەرى قىتايدىڭ تريلليونداعان دوللار تۇراتىن ء"بىر بەلدەۋ، ءبىر جول" جوباسىنا قارسى تۇرۋ ءۇشىن 2027 جىلعا دەيىن دامۋشى ەلدەرگە جاڭا ينفراقۇرىلىم سالۋ ماقساتىندا 600 ملرد ەۋرو جۇمساماق. ونىڭ 200 ملرد دوللارىن اقش بولمەك.

دامىعان جەتى ەلدىڭ باسشىلارى قول قويعان مەموراندۋمدا اقش پرەزيدەنتى دجو بايدەن مەن وزگە G7 توبىنا مۇشە ەلدەردىڭ ليدەرلەرى دامۋشى ەلدەردىڭ ينفراقۇرىلىمىنداعى كەمشىلىكتەردى جويۋ جولىندا بىرىگىپ ارنايى ارىپتەستىك ورناتادى دەلىنگەن. سونىمەن بىرگە الەمدىك ەكونوميكانى، قاۋىپسىزدىك سالاسىن نىعايتۋعا اتسالىسادى دەپ اتاپ وتكەن.

نەگىزىنەن ەكولوگيا، ەنەرگيا، تسيفرلىق بايلانىس، دەنساۋلىق ساقتاۋ جانە گەندەرلىك تەڭدىك سالالارىنا قارجى بولىنەدى. بۇدان بولەك شولتس پەن بايدەن ۋكرايناعا اسكەري كومەك كورسەتۋدى جالعاستىرۋ جونىندە كەلىسىمگە كەلدى.

G7 ءسامميتى 26 ماۋسىمدا باستالعان، 28 ماۋسىمعا دەيىن سوزىلادى. ول باۆاري الپاسىنداعى ەلماۋ قورعانىندا ءوتىپ جاتىر. "ۇلكەن جەتىلىك" توبىنا ۇلىبريتانيا، گەرمانيا، يتاليا، كانادا، فرانتسيا، جاپونيا جانە قىتاي كىرەدى. بۇل جولعى شاراعا يندونەزيا مەن ءۇندىستان ەلدەرىنىڭ وكىلدەرى شاقىرىلعان.

يندونەزيا پرەزيدەنتى دجوكو ۆيدودو رەسەي مەن ۋكرايناعا بارۋعا نيەتتى. Reuters اگەنتتىگىنىڭ حابارلاۋىنشا، ۆيدودو بىتىمگەرلىك ميسسياسىمەن باراتىنىن جەتكىزگەن.

Abai.kz