قوستاناي قالاسىنىڭ حالىقارالىق اۋەجايىنا احمەت بايتۇرسىنۇلىنىڭ اتى بەرىلدى. بۇل تۋرالى ادىلەت مينيسترلىگى سايتىندا ۇكىمەت باسشىسى ءاليحان سمايىلوۆتىڭ قاۋلىسى شىقتى. بۇعان دەيىن باستامانى اۋەجاي قىزمەتكەرلەرى كوتەرىپ، ونى دەپۋتاتتار قولداعان.

احمەت بايتۇرسىنوۆ قازىرگى قوستاناي وبلىسى تورعاي وبلىسىندا دۇنيەگە كەلگەن. ول قازاقتىڭ اعارتۋشىسى عالىمى، لينگۆيست، ادەبيەتتانۋشى، تۇركىتانۋشى، اقىن جانە اۋدارماشى، قوعام قايراتكەرى جانە ساياسي پۋبليتسيست.

ايتا كەتەيىك، 9 مامىردا عارىشكەر توقتار اۋباكىروۆ نۇر-سۇلتان قالاسىنداعى حالىقارالىق اۋەجايدىڭ اتىن اۋىستىرۋ تۋرالى ۇسىنىس بىلدىرگەن. ول قازىر ەكس-پرەزيدەنت نۇرسۇلتان نازارباەۆتىڭ اتىمەن اتالاتىن اۋەجايعا كەڭەس وداعىنىڭ باتىرى تالعات بەگيلدينوۆتىڭ اتىن بەرۋ كەرەك ەكەنىن ايتقان بولاتىن.

جاقىندا وسىنداي ۇسىنىسپەن اۋەجايدىڭ جانىندا ورنالاسقان مايبالىق اۋىلىنىڭ تۇرعىندارى دا بەينەۇندەۋ جاريالادى.

Abai.kz