«تارلان» ونلاين جاستار جۋرنالى
تاقىرىپتىق نوميناتسيا: جاستار، جاستار ساياساتى، ماقالالار، سۇحباتتار، ساراپتاما، ادەبيەت، مادەنيەت;
رەسۋرستىق ءتىل: قازاق;
اشىلعان ۋاقىتى: 5 قاراشا 2012 جىل;
قازاقستاننىڭ جاڭا دامۋ كەزەڭى - تىكەلەي جاستاردىڭ قولىندا. بابالارىمىزدىڭ ارمانى مەن اڭسارىن، قول جەتكىزە الماعان يدەيالارىن جۇزەگە اسىرۋ ءۇشىن جاۋاپتىمىز. سوندىقتان، مەملەكەتتىڭ كەلەشەگىن ءھام باياندى بولاشاعىن جاستارمەن بايلانىستىرعان ابزال.
سول ماقساتتا الەمتور كەڭىستىگىندە جاستارعا ارنالعان www.tarlan.info ونلاين-جۋرنالى اشىلدى. بۇگىنگى جاستىڭ تابىستى ءارى باسەكەگە قابىلەتتى بولۋى ءۇشىن ەڭ اۋەلى كىم ويلانۋى كەرەك؟! مەملەكەت؟ ۇكىمەت؟ اتا-انا؟... جوق. جاستاردىڭ جايى ەڭ اۋەلى جاستاردىڭ ءوزىن ويلاندىرۋى، تولعاندىرۋى، الاڭداتۋى كەرەك! جاستار ءوز ماسەلەلەرىن وزدەرى شەشۋگە بەيىمدەلۋى قاجەت! مەملەكەت پەن ۇكىمەت سوعان سەپ بولۋى ءتيىس.
ال، "تارلاننىڭ" ماقساتى - جاسقا ءتان جانكەشتىلىك، تاباندىلىق، ورشىلدىك جانە كوشباسشىلىق قاسيەتتەرى ارقىلى مەملەكەت دامۋىنا ۇلەس قوسۋ، جاستاردى جۇمىلدىرۋ. اتالمىش اقپاراتتىق رەسۋرس قازاقستانداعى مىڭداعان جاستار ۇيىمىنىڭ ماۋسىمدىق، كەزەڭدىك ءىس-شارالارىن ناسيحاتتاۋدى كوزدەمەيدى.
باعىتى - ايقىن! قازاقستاندىق جاستاردىڭ جايى. ەلىمىزدەگى جاستار ساياساتىنىڭ شىنايى بەت بەينەسىن كورسەتۋ. بۇكپەسىز ايتۋ. بوياماسىز جەتكىزۋ.
تاقىرىپتىق نوميناتسيا: جاستار، جاستار ساياساتى، ماقالالار، سۇحباتتار، ساراپتاما، ادەبيەت، مادەنيەت;
رەسۋرستىق ءتىل: قازاق;
اشىلعان ۋاقىتى: 5 قاراشا 2012 جىل;
قازاقستاننىڭ جاڭا دامۋ كەزەڭى - تىكەلەي جاستاردىڭ قولىندا. بابالارىمىزدىڭ ارمانى مەن اڭسارىن، قول جەتكىزە الماعان يدەيالارىن جۇزەگە اسىرۋ ءۇشىن جاۋاپتىمىز. سوندىقتان، مەملەكەتتىڭ كەلەشەگىن ءھام باياندى بولاشاعىن جاستارمەن بايلانىستىرعان ابزال.
سول ماقساتتا الەمتور كەڭىستىگىندە جاستارعا ارنالعان www.tarlan.info ونلاين-جۋرنالى اشىلدى. بۇگىنگى جاستىڭ تابىستى ءارى باسەكەگە قابىلەتتى بولۋى ءۇشىن ەڭ اۋەلى كىم ويلانۋى كەرەك؟! مەملەكەت؟ ۇكىمەت؟ اتا-انا؟... جوق. جاستاردىڭ جايى ەڭ اۋەلى جاستاردىڭ ءوزىن ويلاندىرۋى، تولعاندىرۋى، الاڭداتۋى كەرەك! جاستار ءوز ماسەلەلەرىن وزدەرى شەشۋگە بەيىمدەلۋى قاجەت! مەملەكەت پەن ۇكىمەت سوعان سەپ بولۋى ءتيىس.
ال، "تارلاننىڭ" ماقساتى - جاسقا ءتان جانكەشتىلىك، تاباندىلىق، ورشىلدىك جانە كوشباسشىلىق قاسيەتتەرى ارقىلى مەملەكەت دامۋىنا ۇلەس قوسۋ، جاستاردى جۇمىلدىرۋ. اتالمىش اقپاراتتىق رەسۋرس قازاقستانداعى مىڭداعان جاستار ۇيىمىنىڭ ماۋسىمدىق، كەزەڭدىك ءىس-شارالارىن ناسيحاتتاۋدى كوزدەمەيدى.
باعىتى - ايقىن! قازاقستاندىق جاستاردىڭ جايى. ەلىمىزدەگى جاستار ساياساتىنىڭ شىنايى بەت بەينەسىن كورسەتۋ. بۇكپەسىز ايتۋ. بوياماسىز جەتكىزۋ.
قازاقستان تاۋەلسىزدىگىنە بيىل 21 جىل! تاۋەلسىزدىك جاستارعا نە بەردى؟ ال جاستار تاۋەلسىزدىكتىڭ نىعايۋى ءۇشىن قانداي قادامدار جاسادى؟! نەدەن ۇتتىق، نەدەن ۇتىلدىق؟! «تارلان» وسى سۇراقتارعا جاۋاپ ىزدەيدى.
تۇساۋى كەسىلگەن «تارلان» ونلاي-جۋرنالى قازاقستاندىق جاستاردىڭ ويىن، ارمان-مۇراتىن، تىلەگىن ءھام مۇددەسىن جەتكىزۋدى كوزدەيدى. اتالمىش رەسۋرس «جاستار ساياساتى»، «ۇلت جاستارى»، «مىنبەر»، «ۇرىمتال»، «كوكەيكەستى»، «ونەر»، «رۋحانيات»، «جاڭا ەسىم»، «حايتەك»، «سپورت» سياقتى ون بولىمنەن تۇرادى. ءاربىر ءبولىمنىڭ مايەكتى ماقالالارى، سۇبەلى ويلارى جانە سۇيەكتى ۇسىنىستارى جاستاردى بەيجاي قالدىرمايدى دەپ ەسەپتەيمىز.
ەقىۇ جاستار ءىسى جونىندەگى قاۋىمداستىق ساراپشىلارى جۇرگىزگەن زەرتتەۋلەرگە جۇگىنسەك، ساياسي، الەۋمەتتىك، ەكونوميكالىق تۇرعىدا اسا بەلسەندى جاستاردىڭ بەس پايىزى مەملەكەتتى جاڭا ساتىعا كوتەرىپ، تۇبەگەيلى رەفورمالار جۇرگىزىپ، ەل جاستارىن سول ماقساتتا بىرىكتىرە الادى دەيدى.
يتاليانىڭ بەلگىلى ساياساتكەرى بەنيتو اندرەا مۋسسوليني «ۇلت مەملەكەتتى جاسامايدى، كەرىسىنشە، مەملەكەت ۇلتتى قالىپتاستىرادى» دەگەن ءسوزى بار. بىزدىڭشە، ەڭ الدىمەن ۇلتتى مەملەكەت ەمەس، جاستار قالىپتاستىرادى. ماسەلەن، تۇركيا جاستارىنىڭ جاپپاي تەگىن ءبىلىم الۋىنا سەپ بولعان كىم؟ تۇرىك جاستارى! ۋكرايناداعى بالاباقشالار مەن مەكتەپتەردىڭ ۇلتتىق ۋكراين تىلىنە اۋىسۋىن تالاپ ەتكەن كىمدەر؟ ۋكراين جاستارى! ۇلىبريتانيانىڭ ءاربىر جاڭا تاعايىندالعان پرەمەر-ءمينيسترى ەڭ الدىمەن كىمنەن سەسكەنەدى؟ اعىلشىن جاستارىنان! «جۇمىلسا - جۇدىرىق» دەگەنىمىز وسى! «ساۋساق بىرىكپەي، ينە ىلىكپەيدى». قازاق جاستارىنىڭ ساۋساقتاي بىرىگىپ، جۇدىرىقتاي جۇمىلاتىن ۋاقىتى جەتتى!
رۋحى مىقتى ۇرپاق - ەل بولاشاعى! ولاي بولسا، اقپارات ايدىنىنا جول تارتقان جاڭا جوبانىڭ بولاشاعى باياندى، ءىسى وڭعا باسسىن دەپ تىلەيىك، قادىرلى وقىرمان!
دۋلات امانجول
«اباي-اقپارات»
