ناتو جەدەل ارەكەت ەتۋ كۇشىنىڭ سانىن 300 مىڭ ادامنان ارتتىرادى دەپ حابارلايدى امەريكا داۋىسى سولتۇستىك اليانستىڭ باس حاتشىسى يەنس ستولتەنبەرگتىڭ سوزدەرىنە سىلتەمە جاساپ.

ء"بىز ناتو-نىڭ جەدەل ارەكەت ەتۋ كۇشىنىڭ قۇرىلىمىن قايتا قاراپ، ادام سانىن 300 مىڭنان كوبەيتەمىز", – دەگەن ول.

ستولتەنبەرگتىڭ سوزىنشە، 28-30 ماۋسىمدا وتەتىن مادريد سامميتىندە وداقتاستار قاۋىپسىزدىككە بايلانىستى جاڭا ستراتەگيالىق تۇجىرىمداما قابىلداماق. سونىمەن بىرگە قۇجاتتا ءبىرىنشى رەت قىتايدان كەلەتىن قاۋىپ-قاتەر جايلى دا ايتىلماق.

ناتو-نىڭ جەدەل ارەكەت ەتۋ كۇشى – بۇل قۇرلىق، اۋە جانە تەڭىز كۇشتەرىنەن تۇراتىن اسكەري قۇرىلىم. قازىر بۇل قۇرىلىمدا شامامەن 40 مىڭ سارباز بار.

Abai.kz