سىرتقى ىستەر ءمينيسترى جانە پرەمەر-ءمينيستردىڭ ورىنباسارى مۇحتار تىلەۋبەردى ەۋرازيالىق ەكونوميكالىق وداقتى (ەاەو) ترانسفورماتسيالاۋ قاجەت دەپ ەسەپتەيدى.

«سانكتسيا تەكەتىرەسى كەزەڭىندە وداق ەكونوميكاسىنىڭ دامۋىنا ىقپال ەتەتىن ەركىن نارىق قۇرۋ ءۇشىن ەاەو قىزمەتىن ترانسفورماتسيالاۋ قاجەت»،-دەدى تىلەۋبەردى.

ونىڭ ايتۋىنشا، 2022 جىل تمد-عا توراعالىق ەتەتىن قازاقستاننىڭ باستى نازارىندا ەكونوميكالىق ءوزارا ءىس-قيمىلدى جانداندىرۋ، ۇيىمنىڭ تيىمدىلىگىن ودان ءارى ارتتىرۋ ماسەلەلەرى تۇر.

سىرتقى ساياسي ۆەدومستۆوسىنىڭ باسشىسى قازاقستان بىرقاتار وڭىرلىك ۇيىمداردىڭ — تاۋەلسىز مەملەكەتتەر دوستاستىعىنىڭ (تمد), ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) جانە ەۋرازيالىق ەكونوميكالىق وداقتىڭ نەگىزىن قالاۋشىلارىنىڭ ءبىرى ەكەنىن ەسكە سالدى.

Abai.kz