مەملەكەتتىك دۋما باس پروكۋراتۋراعا باق-تى "فەيك تاراتقانى", "بيلىككە قۇرمەتسىزدىك تانىتقانى", "ارميانى قارالاعانى" جانە "سانكتسياعا ۇندەگەنى" ءۇشىن جابۋعا قۇزىرەت بەرەتىن زاڭ جوباسىن ءۇشىنشى وقىلىمدا قابىلدادى. بۇل تۋرالى پارلامەنتتىڭ تومەنگى پالاتاسىنىڭ سايتىندا حابارلاندى.

بۇعان قوسا، باس پروكۋراتۋرا "كەراعار جانە قاۋىپتى", سونىمەن بىرگە "رف كونستيتۋتسياسى مەن قوعامدى قۇرمەتتەمەيتىنىن بىلدىرەتىن" مالىمەت تاراتقان اقپارات قۇرالىنىڭ ليتسەنزياسىن قايتارۋ الۋ قۇزىرەتىنە دە يە بولادى. ليتسەنزيانى قايتارۋ تۋرالى شەشىم روسكومنادزورعا جولدانادى.

باق 3-6 اي ىشىندە "قاتەلىكتى" تۇزەسە، وندا ول فەدەرالدىق قىزمەت شەشىمىمەن جۇمىسىن جالعاستىرۋعا مۇمكىندىك الادى. زاڭدى بىرنەشە مارتە بۇزعان باق زاڭسىز دەپ تانىلۋى مۇمكىن. بۇعان قوسا، قۇجاتتا رەسەيدە شەتەل اقپارات قۇرالىنا تىيىم سالۋعا مۇمكىندىك بەرەتىن ەرەجە بار.

Abai.kz