وڭتۇستىك قازاقستان وبلىسىندا 2 گەكتار اۋماقتا «سزتس اسارKZ» سەرىكتەستىگىنە قاراستى جاڭا جىلىجاي كەشەنى ءوز جۇمىسىن باستادى.  قۇنى 400 ملن. تەڭگەدەن استام نىساننىڭ قۇرىلىسىن «قازاگرو» حولدينگىنىڭ ەنشىلەس كومپانياسى «قازاگروقارجى» اق  قارجىلاندىرعان بولاتىن.
كوكونىس ونىمدەرىن ءوسىرۋ ءۇشىن جوعارى تەحنولوگيالىق كەشەن قازاقستاننىڭ اگروونەركاسىپتىك كەشەنىندە ينۆەستيتسيالىق جوبالاردى ىسكە اسىرۋ شەڭبەرىندە سالىنعان. «جىلىجاي COINSA, S.L. فيرماسىنىڭ يسپانيالىق تەحنولوگياسى بويىنشا سالىنعان جانە 352,8 توننا قىزاناق پەن 5 ملن. دانا كوشەت وندىرىسىنە ەسەپتەلدى. قازىرگى ۋاقىتتا جاڭا جىلىجايدا قىزاناق پەن قياردىڭ كوشەتتەرى وتىرعىزىلدى. قىزاناقتىڭ العاشقى ءونىمى وسى جىلدىڭ جەلتوقسان ايىندا جينالادى دەپ كۇتىلۋدە. ال قيار قاڭتار ايىنا قاراي پىسەدى»، - دەلىنگەن ءباسپاسوز ايعاعىندا.
بۇگىنگى تاڭدا «قازاگروقارجى» كومپانياسى تەك قانا وڭتۇستىك قازاقستان وبلىسىنىڭ وزىندە وندىرىستىك ۇلگىدەگى جىلىجاي كەشەندەرىن تۇرعىزۋ بويىنشا 6 ءىرى جوبانى ىسكە اسىرۋ ۇستىندە. ونىڭ ىشىندە  قازاقستانداعى  ەڭ ءىرى «ادەليا» شارۋا قوجالىعىنىڭ الاڭى 11 گەكتار اۋماعىندا جىلىجاي كەشەنىن تۇرعىزۋ ءۇشىن جابدىق جەتكىزىلۋدە. سونىمەن بىرگە، وتاندىق كومپانيا «قازاگرونوم» جشس الاڭى 3,2 گەكتار كەشەنىن تۇرعىزۋدى قارجىلاندىرۋ ماسەلەسىن قاراستىرۋدا.

وڭتۇستىك قازاقستان وبلىسىندا 2 گەكتار اۋماقتا «سزتس اسارKZ» سەرىكتەستىگىنە قاراستى جاڭا جىلىجاي كەشەنى ءوز جۇمىسىن باستادى.  قۇنى 400 ملن. تەڭگەدەن استام نىساننىڭ قۇرىلىسىن «قازاگرو» حولدينگىنىڭ ەنشىلەس كومپانياسى «قازاگروقارجى» اق  قارجىلاندىرعان بولاتىن.
كوكونىس ونىمدەرىن ءوسىرۋ ءۇشىن جوعارى تەحنولوگيالىق كەشەن قازاقستاننىڭ اگروونەركاسىپتىك كەشەنىندە ينۆەستيتسيالىق جوبالاردى ىسكە اسىرۋ شەڭبەرىندە سالىنعان. «جىلىجاي COINSA, S.L. فيرماسىنىڭ يسپانيالىق تەحنولوگياسى بويىنشا سالىنعان جانە 352,8 توننا قىزاناق پەن 5 ملن. دانا كوشەت وندىرىسىنە ەسەپتەلدى. قازىرگى ۋاقىتتا جاڭا جىلىجايدا قىزاناق پەن قياردىڭ كوشەتتەرى وتىرعىزىلدى. قىزاناقتىڭ العاشقى ءونىمى وسى جىلدىڭ جەلتوقسان ايىندا جينالادى دەپ كۇتىلۋدە. ال قيار قاڭتار ايىنا قاراي پىسەدى»، - دەلىنگەن ءباسپاسوز ايعاعىندا.
بۇگىنگى تاڭدا «قازاگروقارجى» كومپانياسى تەك قانا وڭتۇستىك قازاقستان وبلىسىنىڭ وزىندە وندىرىستىك ۇلگىدەگى جىلىجاي كەشەندەرىن تۇرعىزۋ بويىنشا 6 ءىرى جوبانى ىسكە اسىرۋ ۇستىندە. ونىڭ ىشىندە  قازاقستانداعى  ەڭ ءىرى «ادەليا» شارۋا قوجالىعىنىڭ الاڭى 11 گەكتار اۋماعىندا جىلىجاي كەشەنىن تۇرعىزۋ ءۇشىن جابدىق جەتكىزىلۋدە. سونىمەن بىرگە، وتاندىق كومپانيا «قازاگرونوم» جشس الاڭى 3,2 گەكتار كەشەنىن تۇرعىزۋدى قارجىلاندىرۋ ماسەلەسىن قاراستىرۋدا.
توقتالا كەتەتىن جايت، «قازاگرو» حولدينگىمەن ءتۇرلى ۇلگىدەگى جىلىجايلاردىڭ قۇرىلىسى بويىنشا 29 جوبا ماقۇلداندى، ونىڭ جالپى قۇنى 24,6 ملرد. تەڭگە بولسا،  جيىنتىق قۋاتى جىلىنا 35,4 مىڭ توننا جەمىس-كوكونىس ونىمدەرىن شىعارادى. قازىرگى تاڭدا قۇنى 12 ملرد. تەڭگەنىڭ 15 جوباسى ىسكە قوسىلعان.
«قازاگرو» حولدينگىنىڭ ساراپشىلارى جىلىجاي وندىرىسىندە جاڭا تەحنولوگيالاردى قولدانۋ ونىمدىلىكتى ەداۋىر جوعارىلاتۋعا ىقپال ەتەتىنىن العا تارتادى. بۇل رەتتە ءونىمنىڭ وزىندىك قۇنى 2 ەسەگە تومەندەيدى جانە جۇمىس كۇشى دە ۇنەمدەلەدى. بۇدان باسقا، قازىرگى ۋاقىتتا ەنگىزىلەتىن تەحنولوگيالار سۋدى 2-3 ەسەگە ۇنەمدەسە، وسىمدىكتەردىڭ ءتۇرلى اۋرۋلارعا ۇشىراۋىنا دا جول بەرىلمەيدى.
«اباي-اقپارات»