قازاقستان ءبىلىم سالاسىنا كوڭىل ءبولۋدى ارتتىرۋدا. بالاباقشاداعى ءبىلىم بەرۋ مەن مەكتەپتەگى ءبىلىم بەرۋ جۇيەسى، ءبىلىم بەرۋ مەكەمەسىنىڭ ساپاسى مەن سانى، زاماناۋي تالاپقا سايلىعى مەملەكەتتىڭ كەلەشەكتەگى دامۋىنا تىكەلەي اسەر ەتەتىن فاكتورلار بولىپ تابىلادى. قازاقستان رەسپۋبليكاسى بولاشاقتىڭ نەگىزىن بۇگىنگى كۇننىڭ ارەكەتىمەن قالايتىنىن جاقسى تۇسىنەدى، سوندىقتان دا ءبىلىم بەرۋ مەكەمەلەرىنىڭ سانى مەن ساپاسىنا كوڭىل بولۋدە. الماتى قالاسىندا جاڭا ءبىلىم بەرۋ وشاقتارى اشىلىپ، بۇرىنعى مەكتەپ پەن بالاباقشالارعا كەشەندى جوندەۋ جۇمىستارىن جۇرگىزىپ كەلەدى. 

مەدەۋ اۋدانىنىڭ مەكتەپتەرى مەن بالاباقشالارىندا 4,5 مىڭ ورىن جەتىسپەيدى. مەدەۋ اۋدانىندا جەكە ينۆەستورلار ەسەبىنەن 357 ورىندىق 7 بالاباقشا اشىلدى. بۇل تۋرالى قالا اكىمى ەربولات دوساەۆ تۇرعىندارمەن كەزدەسۋ بارىسىندا ايتتى.

«قالا ورتالىعىنداعى جانە دۋمان شاعىناۋدانىنداعى مەكتەپتەردە ورىن تاپشىلىعى سەزىلەدى. قازىر 2 مەكتەپكە كۇردەلى جوندەۋ جۇمىستارى جۇرگىزىلىپ جاتىر. №48 مەكتەپتى جوندەۋ جۇمىسى جىل سوڭىنا دەيىن اياقتاۋ جوسپارلانۋدا. بۇل رەتتە جوعارى سىنىپتار 1 قىركۇيەكتەن باستاپ مەكتەپكە ورالادى. كىشى سىنىپتار جىل سوڭىنا دەيىن جاقىن ماڭداعى باسقا مەكتەپتەردە ۋاقىتشا ورنالاستىرىلادى. № 131 ليتسەيدى سەيسميكالىق كۇشەيتۋ كەلەسى جىلدىڭ تامىز ايىندا اياقتالادى.

№4 مەكتەپ عيماراتىنا 600 ورىندىق قوسىمشا قۇرىلىس سالۋ ماسەلەسى پىسىقتالۋدا. بۇل جەردە جسق ازىرلەۋ، قۇرىلىستى 2024 جىلى اياقتاي وتىرىپ، جەردى ساتىپ الۋ بويىنشا جۇمىستار جۇرگىزىلەدى.

3 بالاباقشادا كۇردەلى جوندەۋ اياقتالدى. سونداي-اق، جەكە ينۆەستورلار ەسەبىنەن 357 ورىندىق 7 بالاباقشا اشىلدى، بۇل وتكەن جىلمەن سالىستىرعاندا 16%-عا كوپ. جىل سوڭىنا دەيىن 200 ورىندى تاعى 5 مەكتەپكە دەيىنگى ۇيىم اشۋ جوسپارلانۋدا»، – دەدى قالا اكىمى.

Abai.kz