قر قىلمىستىق كودەكسى «مال ۇرلىعى» بابىمەن تولىقتىرىلدى (188-1-باپ). ول وڭ ناتيجەسىن كورسەتتى. سوڭعى ءۇش جىلدا مال ۇرلىعى ەكى ەسە ازايدى (4718-دەن 2240-قا دەيىن). بۇل – قۇقىقتىق مەملەكەت تاجىريبەسى. بۇل تۋرالى ءىىم حابارلايدى.

الايدا ۇرلانعان مالدىڭ سانى الاڭداتارلىق جاعداي بولىپ وتىر.

جىل باسىنان بەرى الماتى وبلىسىندا 800-دەن استام، اقمولا جانە جامبىل وبلىستارىندا 500-دەن استام، ال تۇركىستان وبلىسىندا 400-گە جۋىق مال ۇرلانعان. تالداۋ كورسەتكەندەي، ۇرلانعان مال ەتى ساتىلاتىن نەگىزگى ورىندار نۇر-سۇلتان، الماتى جانە شىمكەنت قالالارى بولىپ تابىلادى.

قولدى بولعان مالدىڭ 70%-ى قاراۋسىز قالعان. بۇل – جول قوزعالىسىنا قاۋىپ، قىلمىسكەر ءۇشىن وڭاي ولجا. سوندىقتان جەرگىلىكتى حالىقپەن جانە اكىمدىكتەرمەن تىعىز ىنتىماقتاستىق ورناتۋ قاجەت.