يسپانيا حالىق دەنساۋلىعىن ساقتاۋ ينستيتۋتىنىڭ حابارلاۋىنشا، ەلدەگى اپتاپ ىستىق قازىردىڭ وزىندە 360 ادام قايتىس بولدى. يسپانيادا ءبىر عانا جۇما كۇنى 123 ادام ىستىقتى كوتەرە الماي ومىردەن وزعان. ەۋروپانىڭ وڭتۇستىگىندە 8 شىلدەدەن بەرى كۇن ىستىق بولىپ تۇر، يسپانيانىڭ كەيبىر ايماقتارىندا اۋا تەمپەراتۋراسى 45 گرادۋسقا دەيىن كوتەرىلدى.

پورتۋگاليادا دا اپتاپ ىستىقتان كىسى ءولىمى كوبەيدى. جەرگىلىكتى دەنساۋلىق ساقتاۋ مينيسترلىگىنىڭ مالىمەتىنشە، 7-13 شىلدەدە ەلدە 238 ادام ىستىقتى كوتەرە الماي قايتىس بولعان. ولاردىڭ دەنى - سوزىلمالى اۋرۋى بار ەگدە جاستاعى ادامدار. 14 شىلدەدە پورتۋگاليادا اۋا تەمپەراتۋراسى 47 گرادۋسقا جەتتى. ەلدە مۇنداي اپتاپ ىستىق ەشقاشان تىركەلمەگەن.

ەۋروپانىڭ وڭتۇستىك-باتىسىندا ورماندار ورتەنىپ جاتىر. فرانتسيادا 14 مىڭ ادام ءورت قاۋىپى جوعارى ايماقتاردان باسقا جەرگە كوشىرىلدى. بۇل ەلدە 10 مىڭنان استام گەكتار جەر ورتەنىپ كەتتى.

ۇلىبريتانيانىڭ بىرنەشە ايماعى مەن قالاسىندا، سونىڭ ىشىندە لوندون، يورك جانە مانچەستەردە توتەنشە جاعداي جاريالاندى. ۇلتتىق مەتەورولوگيا قىزمەتى تاريحتا العاش رەت قاۋىپتىڭ "قىزىل" دەڭگەيىن جاريالادى.

Abai.kz