تۇركىمەنستاندا ىستىقتان مال قىرىلۋدا
تۇركىمەنستاننىڭ وڭتۇستىك-باتىسى بيىل اپتاپ ىستىق بولىپ تۇر. ىستىقتان مال ءولىپ جاتىر دەپ حابارلايدى بالكان ۋالاياتىنداعى ازاتلىكقا سىلتەمە جاساپ Abai.kz.
ازاتلىك ءتىلشىسىنىڭ حابارلاۋىنشا، سەردار اتىرابىندا اۋا تەمپەراتۋراسى 44 گرادۋسقا دەيىن بارعان.
"ىستىقتان ولگەن مالدى بازارلاردا ارزان باعاعا ساتىپ جاتىر. مۇنداي ەتتى كەلىسىن 25-30 ماناتتان ساتىپ جاتىر. ەگەر كۇن ۇرعان ءىرى قارا مالدى ولمەي تۇرىپ سويسا، كەلىسى 50 مانات بولادى", - دەيدى ءتىلشى.
وسىنىڭ الدىندا ماۋسىم ايىنىڭ سوڭىندا مارى وڭىرىندە اۋا رايى 50 گرادۋس ىستىق بولعانى حابارلانعان.
Abai.kz
