قازاقستان ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتىڭ قاماۋداعى مەرزىمى 6 تامىزعا دەيىن سوزىلدى. بۇل تۋرالى ارنايى قىزمەت 19 شىلدەدە حابارلادى.

كوميتەت مالىمەتىنشە، ۇقك توراعاسىنىڭ بۇرىنعى ەكى ورىنباسارىنىڭ دا قاماۋداعى مەرزىمى ۇزارتىلدى: ءانۋار سادىقۇلى 6 تامىزعا دەيىن، ال داۋلەت ەرعوجين 13 تامىزعا دەيىن قاماۋدا وتىرادى.

ۇقك-ءنىڭ بۇرىنعى باسشىلارىنا قارسى قىلمىستىق ىسكە "اسا قۇپيا" ءمورى باسىلعان.

كوپ جىل بويى قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ سەنىمدى سەرىگى بولعان كارىم ءماسىموۆ 5 قاڭتاردا قامالعان. ول سول كۇنى قازاقستان قاۋىپسىزدىك كەڭەسىنىڭ وتىرىسىنا قاتىسقان. وسى وتىرىستا قازاقستان پرەزيدەنتى قاسىم-جومارت توقاەۆ كەڭەس توراعالىعىن ءوز مويىنا العانىن جانە قازاقستانعا "حالىقارالىق تەرروريستىك توپ" شابۋىل جاساعانىن مالىمدەگەن.

8 قاڭتاردا ۇقك "مەملەكەتكە وپاسىزدىق جاسادى" دەگەن كۇدىكپەن كارىم ءماسىموۆتىڭ قاماۋعا الىنعانىن، 13 قاڭتاردا "بيلىكتى كۇشپەن باسىپ الۋ" بابى بويىنشا دا ءىس قوزعالعانىن حابارلاعان.

Abai.kz