رەسەي ۋكراينا اۋماعىنىڭ باسىم بولىگىن اننەكسيالاۋعا دايىندالىپ جاتىر دەپ مالىمدەدى اقش پرەزيدەنتى جانىنداعى ۇلتتىق قاۋىپسىزدىك كەڭەسىنىڭ وكىلى دجون كيربي.

كيربي امەريكا بارلاۋىنا سۇيەنە وتىرىپ، "كرەمل حەرسون، زاپوروجيا جانە دونباسستى تولىعىمەن رەسەيدىڭ ءبىر بولىگى دەپ جاريالاماقشى" دەدى.

"رەسەي ءوز باقىلاۋىنا العان ۋكراينانىڭ ءبىر بولىگىنە ءوز ادامدارىن تاعايىنداپ جاتىر. ەڭ ءبىرىنشى ولار باسىپ العان جەرلەرگە شارتتى تۇردە رەفەرەندۋم وتكىزەدى", - دەدى كيربي.

اق ءۇي وكىلىنىڭ سوزىنشە، رەسەيدىڭ ۋكرايناعا شابۋىل جاساۋداعى نيەتى بارلاۋ قىزمەتىنىڭ بولجامدارىمەن سايكەس كەلىپ وتىر.

"رەسەيدىڭ ۋكراينا اۋماعىنىڭ جارتىسىن اننەكسيالاۋ ارەكەتى بۇۇ جارلىعىن ورەسكەل بۇزعان بولىپ ەسەپتەلەدى ءارى بۇل ارەكەتى ءۇشىن جازاعا تارتىلماي قويمايدى", - دەپ ەسكەرتتى كيربي.

ول كرەملگە قارسى جاڭادان وتە قاتال سانكتسيالار ەنگىزىلەدى دەدى. اقش تاياۋ كۇندەرى ۋكرايناعا HIMARS جۇيەلەرىن تاعى جىبەرەتىنىن مالىمدەمەك. كيربي اقش كرەملدىڭ بارلىق جوسپارىن اشكەرەلەيدى دەپ ەسكەرتتى.

Abai.kz