قۇجاتقا سايكەس، ءبىرىنشى سىنىپتاعى وقۋ جىلى ەندى 35 اپتاعا سوزىلادى. قولدانىستاعى ەرەجەدە 33 اپتا دەپ كورسەتىلگەن. مينيسترلىك قالعان سىنىپتاردا وقيتىنداردىڭ وقۋ جىلىن 36 اپتا دەپ بەلگىلەۋدى ۇسىندى (قازىر 34 اپتا).

جارلىق جوباسىنا سايكەس، وقۋ جىلى ارالىعىنداعى دەمالىستار بىلايشا بولىنەدى:

- 1–11-سىنىپتار (12-سىنىپتار دا): كۇزگى دەمالىس — جەتى كۇن (31 قازاننان 7 قاراشاعا دەيىن), قىسقى دەمالىس — توعىز كۇن (31 جەلتوقساننان 9 قاڭتارعا دەيىن), كوكتەمگى دەمالىس — توعىز كۇن (18 ناۋرىزدان 27 ناۋرىزعا دەيىن);

- ءبىرىنشى سىنىپتا وقيتىندارعا قوسىمشا دەمالىس — جەتى كۇن (6 اقپاننان 13 اقپانعا دەيىن).

بۇعان قوسا، اعارتۋ مينيسترلىگى جازعى دەمالىستىڭ قىسقارۋى بالاردىڭ الدىڭعى وقۋ جىلىندا العان ءبىلىمىن ۇمىتپاۋىنا كومەكتەسەدى دەپ ەسەپتەيدى.

Abai.kz