ءمينيستردىڭ مالىمەتىنشە، 2016 جىلدان بەرى اسكەري بولىمدەردى تەحنيكامەن قامتاماسىز ەتۋ ءۇشىن "قازاقستان پاراماۋنت ينجينيرينگ" ("كپي") كومپانياسىنان 138 "ارلان" (6x6) بروندى اۆتوكولىگى ساتىپ الىنعان.

"2022 جىلى تاعى 10 "ارلان" بروندى تەحنيكاسى الىنسا، 2023 جىلى 20 "ارلان" بروندى كولىگىن ساتىپ الۋ جوسپارلانعان. وسىلايشا قارۋلى كۇشتەردى نىعايتۋ ماقساتىندا ساتىپ الىنعان "ارلان" بروندى كولىگى 168-گە جەتەدى. ولاردىڭ جالپى قۇنى - 82 ميلليارد تەڭگەدەن اسادى", — دەپ جاۋاپ بەردى جاقسىلىقوۆ ءماجىلىس دەپۋتاتىنىڭ ساۋالىنا.

"ارلان" بروندى اۆتوكولىكتەرى قازاقستاننىڭ اسكەري بولىمدەرىنە 2016 جىلى جەتكىزىلدى. قازاقستان وڭتۇستىك افريا رەسپۋبليكاسىنىڭ Paramount Grou كونتسەرنىمەن كەلىسىمگە وتىردى. وار-دا بۇل كولىك Marauder دەپ اتالادى. بروندى كولىكتىڭ مۇنداي ءتۇرى ازەربايجان، الجير، يوردانيا جانە كونگودا بار.

Abai.kz