قايرات قۇدايبەرگەننىڭ كوروناۆيرۋسقا تاپسىرعان سىناماسى ونىڭ كۆي جۇقتىرعانىن كورسەتتى. ءبىر كۇن بۇرىن قۇدايبەرگەن ءوزىن ناشار سەزىنگەن، سىرقات بەلگىلەرى COVID-19-عا ۇقساس بولعان. بۇل تۋرالى ونىڭ ادۆوكاتى مۇرات ءاميتوۆ ءمالىم ەتتى. ادۆوكات بۇلتارتپاۋ شاراسىن وزگەرتۋ تۋرالى ءوتىنىش بەردى.

"تەرگەۋ سوتى سوتقا دەيىنگى تەرگەۋ ورگانىنىڭ قايرات قۇدايبەرگەندى قاماۋدا ۇستاۋ مەرزىمىن ۇزارتۋ تۋرالى ءوتىنىشىن قاناعاتتاندىرىپ، پروكۋرورعا ءتيىستى مەديتسينالىق باقىلاۋدى قامتاماسىز ەتۋدى مىندەتتەدى. پروكۋرورلار قانداي شارا قولداناتىنى ازىرگە بەلگىسىز، بىراق الدا دەمالىس ەكەنى قورقىتادى، ولار مۇنى كەلەسى اپتاعا قالدىرادى", – دەدى ءاميتوۆ.

ول تەرگەۋ سوتىنىڭ شەشىمىنە اپەللياتسيالىق شاعىم بەرىلەتىنىن اتاپ ءوتتى. ءاميتوۆ بۇل اۋرۋدىڭ وتە قاۋىپتى ەكەنىن، قايرات قۇدايبەرگەنگە مەديتسينالىق مەكەمەدە ءتيىستى كومەك كورسەتۋ كەرەگىن ايتتى.

Abai.kz